«Зерттеу университеті: ғылым, білім беру, инновация синтезі»

«Зерттеу университеті: ғылым, білім беру, инновация синтезі»
2012 жылғы 26 қазанда С.Сейфуллин атындағы Қазақ агротехникалық университеті оқу орнымыздың 55 жылдығына арналған «Зерттеу университеті: ғылым, білім, инновация синтезі» атты Халықаралық ғылыми-практикалық конференция өтті.

Конференция жұмысына алыс және жақын шет елдерден келген 100 шақты қонақтар, сондай-ақ Назарбаев универсиетінің Президенті Шигео Катсу; Л.Н.Гумилев атындағы Еуразия ұлттық университеті ректоры – Ерлан Батташұлы Сыдықов; Қазақ ұлттық аграрлық университеті ректоры – Тілектес Исабайұлы Есполов; Жәңгір хан атындағы Батыс Қазақстан агротехникалық университеті ректоры – Қозыбай Қараұлы Бозымов; Болгарияның Пловдиев ауыл шаруашылық университеті ректоры Димитр Фердинандович Греков, сондай-ақ Ресей, Белорус, және Қырғыз университеттерінің проректорлары, қазақстандық жетекші ҒЗИ басшылары мен директорлары қатысты;



Қазақстан, Ресей, Белорусь, Қырғызстан, АҚШ, Богария, Малайзияның жетекші ЖОО мен ҒЗИ ғалымдары баяндама жасады.

Конференция бағдарламасына сәйкес жұмыс келесі бағыттар бойынша жүргізілді:

І. Зерттеу университеті жағдайындағы білім беру қызметін жетілдіру
Секция бөлімдері:
1. Болон үдерісінің негізгі принциптері мен параметрлерін алға бастыру: мәселелері мен болашағы.
2. Көп тілді оқыту бағдарламасын жүзеге асыру – білімді интернационализациялауды дамытудың басты факторы.
3. Жоғары оқу орнынан кейін білім беру болашағы: ҚР жетекші ЖОО мен шет елдердің тәжірибесі.

ІІ. Жоғары оқу орындарын зерттеу университетіне трансформациялау кезіндегі ғылым мен инновациялық қызметті интеграциялау
Секция бөлімдері:
1. Зерттеу университететрінің қалыптасы және даму аспектілері.
2. ЖОО-ғы ғылыми зерттеулерді коммерциализациялау жүйесін құру және дамыту тәжірибесі.
3. АӨК ғылыми-инновациялық дамыту: саланың бәсекелестікке қабілеттілігін қамтамасыз ету кепілі (егіншілік және өсімдік шаруашылығы, ветеринария және мал шаруашылығы, ауыл шаруашылығын механикаландыру және электрлендіру, экономика).

ІІ. Болашақ мамандарды тәрбиелеудегі негізгі басым бағыттар
Секция бөлімдері:
1. Болашақ мамандарды тәрбиелеуде белсенді азаматтық көзқарасты қалыптастыру мәні.
2. Жастарды еңбек ортасында әлеуметтік жағынан бейімдеудің мәні.

Жоғары білім, ғылым, инновация және өскелең ұрпақ тәрбиесінің өзекті мәселелері талқыланды:
- Қазақстан Республикасы ғылымының жағдайы мен даму болашағы;
- бәсекелестікке қабілетті мамандарды дайындау үдерісіндегі инновациялық ғылымның рөлі;
- ұлттық зерттеу университеттерін құру – аграрлық білім мен ғылымды дамыту негізі;
- жоғары оқу орнынан кейінгі білім беру болашағы: Қазақстанның жетекші ЖОО мен шет елдердің тәжірибесі;
- зерттеу университеті: шетелдік ЖОО тәжірибесі;
- академиялық ұтқырлықты дамыту мәселелері мен болашағы;
- бірлескен білім бағдарламаларын құру;
- инновациялық даму – ғылым, білім және бизнес;
- инновацияны мемлекеттік тұрғыда қолдау және оның жаңа тәсілдері;
- интеграция механизмдерін халықаралық білім беру және ғылыми кеңістікте әзірлеу;
- бірлескен зерттеу бағдарламалары және инновациялық жобаларға қатысу мүмкіндігі;
- жоғары импакт-факторлы журналдарда жариялау үшін мақалалар дайындау;
- болашақ мамандарды дайындауда азаматтық көзқарас белсенділігі.

Ерекше белсенділік танытқандар: ресейден келген қонақтар: А.С.Донченко – Ресей ауыл шаруашылық академиясының вице-президенті, Сібір бөлімі төрағасы, академик; А.И.Завражнов – РАШҒА академигі, техника ғылымдарының докторы; С.В.Гарник – Ресей мемлекеттік аграрлық университеті – К.А.Тимирязев атындағы МАША халықаралық қызмет жөніндегі проректор, олар конференцияның өзектілігін атап өтті, мәлімделген тақырыптар контексінде және ғылым, білім және инновация синтезі негізінде зерттеу университетінің қалыптасу мәселесі бойынша ұсыныс жасау бойынша пікір алмасты. Сондай-ақ ҒЗИ және «КазагроИнновация» АҚ орталықтарынан келген ғалымдар сөз сөйледі, оның ішінде «Қазақ картоп өндіру және жеміс шаруашылығы ҒЗИ» ЖШС Бас директоры Т.Е.Айтбаевтың баяндамасы ерекше қызығушылық тудырды. Конференцияны өткізу өзектілігі мен қажеттілігі аталып өтті. Әр секция бойынша барлық мәлімделген баяндамалар тыңдалды. Конференцияның «Зерттеу университеті: ғылым, білім, инновация синтезі» атты мақсаты өз мәресіне жетті.

Конференция қорытындысы бойынша қарар (резолюция) қабылданды.