Агрономиялық факультет пен Ветеринария және мал шаруашылығы технологиясы факультетінің жас ғалымдарын ғылыми жетістіктермен құттықтаймыз!

Агрономиялық факультет пен Ветеринария және мал шаруашылығы технологиясы факультетінің жас ғалымдарын ғылыми жетістіктермен құттықтаймыз!
Аграрлық факультеттің жас ғалымдары: Түменбаева Әсел Рыспекқызы және Оразбаева Гүлзада Қызырияқызы «Жеміс және жүзім шаруашылығын дамытудың қазіргі жағдайында көпжылдық дақылдардың бейімделгіштік көрсеткіштері» атты 2012 жылда өткен жас ғалымдардың IV халықаралық қашықтықтан өткізілетін ғылыми-тәжірибелік конференциясында «Агротехнологияларды оптимизациялау және жеміс және жүзім шаруашылығының ауқымды ғылыми өнімдерін жасау үшін іргелі зерттеулердің нәтижелерін қолдану» атты секциясы бойынша ғылыми зертемелер конкурсының жеңімпазы атанды.

Конкурс ұйымдастырушысы Ауыл шаруашылығы ғылымдары Ресей академиясының «Солтүстік Кавказ аймақтық жеміс және жүзім шаруашылығы ғылыми-зерртеу институты» мемлекеттік ғылыми мекемесі.



Сонымен қатар ветеринария және мал шаруашылығы технологиясы факультетінің морфология, микробиология және биотехнология кафедрасының доценті С.С. Беккужинаның жетекшілігімен 2 курс магистранты Г.К. Абдрахманованың «Егістіктік бағалау кезінде жаздық жұмсақ бидайдың регенерант желісінің ұрпағымен будандастыру арқасында бағалы гибридтерді іріктеу» атты мақаласы ғылыми-зерттеу жұмыстарына белсенді қатысқаны үшін және де «Қазақстан Республикасы агроөнеркәсіптік кешенін дамытуға жас ғалымдардың қосар үлесі» атты 2012 жылы 10-12 желтоқсанда Алматы қаласында өткен жас ғалымдар республикалық конференциясында құнды ғылыми мақаланы жариялағаны үшін I деңгейлі дипломмен марапатталды.

А.Р. Түменбаеваны, Г.К. Оразбаеваны және Г.К. Абдрахманованы қол жеткізген ғылыми жетістіктермен құттықтаймыз және аграрлық ғылым саласында келешекте де шығармашылық табыстар тілейміз!