2013-2015 жылдарға арналған ғылыми зерттеулерді гранттық қаржыландыру конкурсына қатысуға жобаларды дайындауға семинар өткізілді

2013-2015 жылдарға арналған ғылыми зерттеулерді гранттық қаржыландыру конкурсына қатысуға жобаларды дайындауға семинар өткізілді
2012 жылдың 9 желтоқсанында С.Сейфуллин атындағы ҚазАТУ Ғылым және инновациялық департаментімен ҚР БжҒМ жариялаған 2013-2015 жылдарға арналған ғылыми зерттеулерді гранттық қаржыландыру конкурсына қатысуға жобаларды дайындауға семинар өткізілді.

Семинарға 42 кафедрадан тұратын университеттің ПОҚ, университет тарапындағы барлық ғылыми жобалардың жетекшілері, Ғылым және инновациялық департаменті қызметкерлері қатысты.

Университеттің ғылыми бағыттағы жұмыстары мен нәтижелері бойынша Ғылым және инвестициялар жөніндегі проректоры Садықова Л.Ү. сөз сөйледі. С.Сейфуллин атындағы ҚазАТУ 2011-2015 жж. даму бағдарламасын жүзеге асырудағы ҒЗЖ шаралары мен 2012 жылғы бюджеттік және инициативтік зерттеулерді жүзеге асырудағы мәселелері көтерілді.

Жобаларды таңдаудағы негізгі критерийлері, конкурсқа қатысу шарттарымен Ғылым және инновациялық департаменті директоры Нүкішева С.А. таныстырды. Семинарға қатысушыларға өтінім жасардағы қажетті конкурстық құжаттар мен шарттар жайындағы сұрақтар, артықшылықтары және арнайы ғылыми бағыттар толық дәріптелді.

Сонымен қоса семинар барысында Ғылым және инновациялық департаменті директорының орынбасары Омаров Қ.Қ. «Технологиялық даму жөніндегі ұлттық агенттік» АҚ-ның өндірістік зерттеулер, жаңа технологияларды енгізу, шетелдік патенттеу және т.б. салалары бойынша инновациялық граннтардың 9 түрінен жариялаған конкурсының шарттары және ерекшеліктерімен таныстырды.

Конкурсқа Университтет атынан барлығы 8 факультеттің 24 кафедрасынан, «АБҒЗИ»ЖШС-нен және Агробиологиялық зерттеулер жүргізу ғылыми-оқыту зерттеу центрінен жалпы соммасы 1,5 млрд. теңгеге 59 өтінім берілді.