С.Сейфуллин атындағы Қазақ агротехникалық университетінің Ғылыми–техникалық кеңесінің кезекті отырысы өтті

С.Сейфуллин атындағы Қазақ агротехникалық университетінің Ғылыми–техникалық кеңесінің кезекті отырысы өтті
2012 жылы желтоқсан айының 20, 21 күндері С.Сейфуллин атындағы Қазақ агротехникалық университетінде ғылыми–техникалық кеңесінің мүшелері және Университеттің алдыңғы қатарлы ғалымдарының қатысуымен Ғылыми–техникалық кеңесінің кезекті отырысы болды.

Ғылыми–техникалық кеңесінің жұмысын алғашқы сөзбен Басқарма төрағасының Ғылым және инвестициялар жөніндегі орынбасары Л.Ү.Садықова бастады. Өз сөзінде Л.Ү.Садықова Университеттің ғылыми ұжымының 2012 жылғы жетістіктері мен кемшіліктерін, ҚазАТУ 2011-2015 жж. даму бағдарламасын жүзеге асырудағы ҒЗЖ шаралары мен мақсаттарын көрсетіп өтті.

Ғылыми–техникалық кеңесінің отырысының жоспары бойынша Факультет декандары, орталық, конструкторлық бюро, ҒЗИ директорлары және жоба жетекшілері сөз сөйледі. С.Сейфуллин атындағы ҚазАТУ даму бағдарламасын жүзеге асырудағы 2012-2013 жж. қойылған индикаторларға жетудегі жұмыстар, 2012 жылғы қаржыландыруды игеру, магистранттардың ғылыми-зерттеу жұмыстарының жеке жоспарларын орындау мәселелері қозғалды.

Сонымен бірге Университеттің ПОҚ-ның 2012 жыл ішіндегі қаржыландырылатын жобалар аясында шетелдік ғылыми іссапарлары мен тағылымдамалары бойынша жоба жетекшілерінің есептері тыңдалды.
2012 оқу жылғы шетелдік ғылыми тағылымдамалар жоспарының орындалуы туралы және орындалуы барысында туындайтын мәселелермен Әлімжанова Д.Б. сөз сөйледі.

Қытайбекова С.О. ғылым саласындағы халықаралық ынтымақтастық мәселелері бойынша және халықаралық жобалардың іске асырылу, ғылыми шетел ұйымдарымен бірлесіп жүргізілетін ғылыми зерттеулердің орындалу барысы, және алдағы жылдарға арналған жоспарлар туралы ақпаратқа кеңінен тоқталып кетті.