«ҚазАгроИнновация» АҚ мен Ынтымақтастық Меморандумына қол қойылды

«ҚазАгроИнновация» АҚ мен Ынтымақтастық Меморандумына қол қойылды
2013 жылғы 5 ақпанда С.Сейфуллин атындағы Қазақ агротехникалық университетінің «ҚазАгроИнновация» АҚ-ның Басқарма төрағасы С.В. Могильный және университет ректоры А.Қ.Күрішбаевтың қатысуымен кездесу өткізілді.
Қазіргі таңда С.Сейфуллин атындағы Қазақ агротехникалық Университеті, ғылым және жоғары білім беруде мемлекеттік жүйесін жетілдіруді ескере отыра, нарық қажеттіліктерін орындауға бағытталған, университтеті «Зерттеу университетіне» трансформациялау арқылы даму стратегиясын құруда.
Аталған кездесу ғылым мен білімді интеграциялау және ғылыми-зерттеу мекемелерімен ғылыми-техникалық байланыс орнату мақсатында өткізілді.
Аталған жиналысқа «ҚазАгроИнновация» АҚ-ның басқарушы директоры М.Қ.Ақшалов, «Қарағанды өсімдік шаруашылығы және селекция ҒЗИ» ЖШС директоры Р.Е.Нұрғазиев және университет проректорлары қатысты.
Кездесу барысында ЖОО-нан кейінгі аграрлық профильдегі жоғары білікті мамандарды даярлау, білім беру жүйесін арттыру және университет магистранттарының, докторанттарының бірлескен ғылыми-зерттеу жұмыстарында қатысу сұрақтары талқыланды.
Сонымен қатар, кездесуде университет магистранттарының және докторанттарының кәсіби зерттеу тәжірибелерін «ҚазАгроИнновация» АҚ-ның ғылыми-зерттеу институттарында өткізу және тәжірибелік ғылыми-зерттеу базасын пайдалану жоспарланды. Одан бөлек, ҒЗИ бас ғалымдарының қатысуымен дәріс сабақтарын өткізу, бірлескен конференциялар, семинарлар ұйымдастыру мүмкіндіктері қарастырылды.





Кездесу соңында екіжақты ынтымақтастықты орнату және аграрлық өнеркәсіп кешені саласында жоғары білікті мамандарды және ғылыми кадрларды дайындау мақсатында «ҚазАгроИнновация» АҚ мен С.Сейфуллин атындағы Қазақ агротехникалық Университеті арасында Ынтымақтастық Меморандумына қол қойылды.