Жас ғалымдар кеңесінің мәжілісі өтті

Жас ғалымдар кеңесінің мәжілісі өтті
Қазіргі таңда елдің дамуын, инновациялық экономиканың құрылуын анықтаушы рөл жастарға беріліп отыр.
2013 жылғы 6 ақпанда С.Сейфуллин атындағы Қазақ агротехникалық университетінің ректоры А.Қ.Күрішбаевтың қатысуымен өткен жас ғалымдар кеңесінің мәжілісінде жас ғалымдардың университеттің дамуына қосатын үлестері мен рөлі, ғылыми идеялармен алмасуы, жас ғалымдардың ағымдағы жағдайы, атап айтсақ, еңбекті ұйымдастыру мен әлеуметтік-тұрмыстық мәселелер төңірегіндегі сұрақтар қарастырылды.
Қазіргі уақытта университеттің профессорлық-оқытушылар құрамының 50%-ға жуығын 40 жасқа дейінгі жас ғалымдар құрайды, олардың ішінде 33% ғылым докторы мен кадидаттары, 32% магистрлар. Жас ғалымдар ғылыми-зерттеу бағдарламалары мен жобаларына қатысады, ғылыми жұмыс қорытындысы бойынша ғылыми мақалаларын жариялайды, сондай-ақ, Thomson Reuters журналына да мақалаларын жібереді, университеттің қоғамдық жұмыстарына белсене ат салысады.
Университеттің қаржылық қолдауы мен көмегі нәтижесінде 2012 жылы университеттің 74 жас ғалымы ғылыми тағылымдамадан өтіп, біліктіліктерін жетілдіру бойынша сертификаттар алды. Олардың 45 ТМД мемлекеттеріне, 29 шетелге барып келді. Ағылшын тілін үйрену курстарынан 24 жас ғалым өтті.
Сонымен қатар, жас ғалымдардың жұмыстарына қатысты өзекті мәселелерде баршылық. Орын алған проблемалар және оны шешудің жолдары туралы жас ғалымдар кеңесінің төрайымы Ж. Аукажиева өз баяндамасында атап өтті.
Мәжілісті университет ректоры А.Қ.Күрішбаев қорытындылады. Ректор өз сөзінде университеттің 2012 жылдағы жетістіктері туралы және университеттің стратегиялық міндеттері туралы айтып өтті. Университеттің инновациялық үлгісін құрудағы жас ғалымдар рөлінің маңыздылығын атап өтті, жас ғалымдардың сұрақтарына жауап берді. Жас ғалымдар тарапынан қойылған сұрақтардың дені, тұрғын үй және басқа да әлеуметтік мәселелерін шешу, Thomson Reutеrs, Scopus, Springer, Elsevier сияқты импакт-факторы жоғары журналдарға мақалаларын жариялау барысына әдістемелік, ұйымдастырушылық және материалдық көмек беру, жас ғалымдардың республикалық және халықаралық конференциялар мен семминарларға, сипозиумдарға, тағылымдамаларға қатысуларына қаржылық көмек көрсету туралы болды.
Университет басшылығы жас ғалымдардың кәсіби өсуіне, олардың ғылыми-зерттеу жұмыстарын орындауда белсенділігін арттыру жағдайларын жасауға, әр түрлі халықаралық және республикалық бағдарламалар мен жобаларға қатысу мақсатында ағылшын тілін үйрету курстарын тегін ұйымдастыруға; жетекші ғалымдардың дәрістер оқуына және кездесулер, семинарлар өткізуіне, университет комиссиясына жас ғалымдар кеңесінің өкілін кіргізу арқылы жас ғалымдардың тұрғын үйге қатысты сұрақтарын шешуге дайын екендіктерін айтты.




Сондай-ақ, ректор университеттің жас ғалымдарының ғылыми жобаларынан мәліметтер базасын құруды, әр түрлі ғылыми байқауларға қатысу үшін ғылыми өтінімдерді жазу бойынша үйрету семинарларын өткізуді ұсынды. Ғылыми – зерттеу жұмысының қорытындысы бойынша университеттің жас ғалымдар арасынан ең үздік ғылыми – техникалық жұмысқа байқау жариялауды жандандыру қажеттілігін айтты.
Жас ғалымдар кеңесі өз тарапынан университет басшылығын жас ғалымдарды қолдағандары үшін алғыстарын білдірді, Кеңес жұмысының жоспары әзірленді.