Жас ғалымдарға оқыту семинары өткізілді

Жас ғалымдарға оқыту семинары өткізілді

2013 жылғы 16 ақпанда ҚазАТУ-дың мәжіліс-залында Ғылым және инновациялық қызмет департаменті жас ғалымдарға арналған әртүрлі конкурстарға қатысу үшін ғылыми өтінімдерді қалыптастыру бойынша оқыту семинарын ұйымдастырды.

Бұл шара жас ғалымдардың ғылыми зерттеулерді жүзеге асыруда белсенділіктерін көтеру және де университеттің ғылыми журналдарында   мақалаларын жариялаудың тәртібі мен талаптарын түсіндіру мақсатында ұйымдастырылып отыр.

Оқыту семинардың модераторы университеттің ғылым және инвестициялар жөніндегі проректоры Л.Ү.Садықова болды.

Өз тәжірибелерімен бөлісуге университеттің жетекші ғалымдары: «Топырақтану және агрохимия» кафедрасының профессоры, а.ш.ғ.д., А.П.Науанова, «Ветеринарлық медицина» кафедрасының доценті, в.ғ.д, Б.К.Ыбраев және «Морфология, микробиология және биотехнология» кафедрасының доценті, б.ғ.д Е.В.Кухар  арнайы шақырылды.

Семинарға шақырылған жетекші ғалымдар ғалым тұлғасының қалыптасуы бойынша өздерінің тәжірибелерімен бөлісіп, ғылыми гранттарға тапсырылатын конкурстық өтінімді жасау әдістемесін жан-жақты түсіндірді. Сонымен қатар, жетекші ғалымдар жас ғалымдарды ғылыми зерттеулерді гранттық қаржыландыру бойынша конкурстарға белсенді түрде қатысуға шақырды.


Оқыту семинарында ғылыми тақырыпты анықтау, ғылыми зерттеулердің мақсаты мен міндеттерін айқындау, ғылыми мақалаларды жазу әдістемесін құру бойынша сұрақтар және де гранттарды алу үшін тапсырылатын өтінімдерді рәсімдеуге қатысты техникалық сұрақтар талқыланды.

Семинарды қорытындылай отырып, ғылым және инвестициялар жөніндегі  проректор Л.Ү.Садықова университеттің алдында тұрған стратегиялық міндеттер туралы айтып өтті. Университеттің инновациялық үлгісін құрудағы жас ғалымдар рөлінің маңыздылығын ерекше атап көрсетті. Сонымен қатар, ол қатысушыларды университеттегі импакт-факторы жоғары журналдарда басылып шыққан мақалалары үшін ғалымдарға арналған ынталандыру жүйесінің бар екендігімен, университет басшылығының жас ғалымдардың кәсіптік деңгейлерін көтеруге барынша қолдау көрсететіндігімен  хабардар етті.