Студенттік ғылыми-теориялық конференция өтті

Студенттік ғылыми-теориялық конференция өтті

2013 жылғы 9 сәуірде Қазақстандағы Ғылым күніне орай «физика және химия» кафедрасының ұйымдастырылуымен студенттік ғылыми-теориялық конференция өтті. Конференцияның ашылу рәсіміне инновация және ғылыми департаментінің қызметкерлері, факультеттердің СҒЗЖ бойынша жетекшілері, физика және химия кафедрасының ұстаздары, студенттер қатысты.

Конференцияға университетіміздің 1-2 курс студенттері, мектеп оқушылары қатысып, жалпы саны 55 ғылыми жұмыс физика және химия бағыттары бойынша екі секцияда тыңдалды. Баяндама тақырыптары өзекті және маңызды болғандықтан, ғылыми жұмыстарды талқылау барысында студенттер қызығушылық танытып, бір-бірімен пікірлерімен бөлісіп отырды. Конференция жұмысы үш тілде өтті. Әсіресе көптілді ВжМШТ факультетінің 109 топ студенттері ағылшын тілінде өте жақсы баяндамалар жасап, әрі әрбір жұмысты талқылауда белсенділік танытып отырды.

Әділқазылар алқасының шешімімен физика бағыты бойынша КЖжКББ факультетінің 206 топ студенті С.Серікбол «Ақпараттық дүниелер» тақырыбымен 1 орынға ие болды. 2, 3 орындарды Энергетика және Техникалық факультет студенттері Ә.Мадияр, С.Қоныров, Я.Плюшина, Қ.Байдуллаев және мектеп оқушысы Руслан Құсайнов иемденді.

Химия бағыты бойынша «Выделение эфирных масел из сосновых деревьев» атты ғылыми жұмысымен үздік деп танылып, Агрономия факультеті, 114 топ студенті С.Анарбеков 1 орын алса, 2, 3 орындарды ВжМШТ факультетінің студенттері Р.Нұрділлаева, А.Баженова, А.Омарова, М.Танишева, З А.ұлпыхарова, Ж.Рамазан, Ұ.Мұқамбетқалиева, Ә.Уайесов, Г.Байғазы және С. Кушкумбаева иеленді.