Жыл қорытындысы: ұжымдағы үздік жетістіктер

Жыл қорытындысы: ұжымдағы үздік жетістіктер

2016 жылы 26 желтоқсан күні С.Сейфуллин атындағы Қазақ агротехникалық университетінің жаңа жылдық мерекелік кеші өтті. Салтанатты кеш үстінде жыл қорытындысы бойынша жеңіске жеткен үздік профессорлық-оқытушылар құрамы, кураторлар, факультеттер мен кафедралар марапатталды. Мерекелік іс-шара барысында университет ректоры А.Қ.Күрішбаев оқу орны ұжымын жетістіктерімен құттықтап, жеңімпаздарға Басқарма атынан марапаттаулар тапсырды. 

«Үздік факультет» атағына жоғары оқу орнындағы 11 факультет арасынан үшінші жыл қатарынан Агрономиялық факультет ие болды.

Факультет ғалымдары түрлі ғылыми бағыттарда жұмыс істейді және жарық көрген ғылыми мақалалар мен әдістемелік-оқу құралдарының саны жағынан да ең алдында.

«Үздік кафедра» атағына ие болған агрономиялық факультет кафедралары: «Егіншілік және өсімдік шаруашылығы» кафедрасы (1 орын) мен «Өсімдік қорғау және карантин» кафедрасы (2 орын). Сондай-ақ, Ветеринария және мал шаруашылығы технологиясы факультетінің «Ветеринарлық санитария» кафедрасы 3-ші орын алды. Көрсетілген кафедралар – ғылыми зерттеу жұмыстарының көлемі мен ғылыми жетістерінің сапасы жағынан дәстүрлі жетекші кафедралар. Және олар өздерінің зерттеу жұмыстарын танымал шетелдік ғалымдармен бірлесе жүргізеді.

2016 жылғы үздік оқытушылар атағына «Ветеринарлық санитария» кафедрасының доценті, в.ғ.к. А.Б. Бегенова, «Ақпарат және байланыс технологиясы» кафедрасының аға оқытушысы Ш.А. Байсалықова, «Дизайн» кафедрасының профессоры, сәулет докторы А.А.Корнилова ие болды.   

«Университет көшбасшылары» атанғандар: Н.Ж.Қажғалиев – «Мал шаруашылығы өнімдерін өндіру және өңдеу технологиялары» кафедрасының жетекшісі, А.А.Исмаилова -  «Ақпараттық жүйелер» кафедрасының жетекшісі, Н.М.Қашқынбаев – «Ақпараттық жүйелер» кафедрасының аға оқытушысы, Е.В.Кухар – «Микробиология және биотехнология» кафедрасының доценті, б.ғ.д., С.К.Абдрахманов – «Ветеринарлық санитария» кафедрасының меңгерушісі, в.ғ.д., И.Т.Жақыпов – «Ветеринарлық медицина» кафедрасының профессоры, в.ғ.д., А.К.Булашев – «Микробиология және биотехнология» кафедрасының профессоры, в.ғ.д.;  

«Ең нәтижелі ғалым» атағын алғандар: С.О.Нүкешев – Техникалық факультет деканы, т.ғ.д., Д.Н.Сәрсекова – «Орман ресурстары мен орман шаруашылығы» кафедрасының жетекшісі, а.ш.ғ.д., Г.А.Алпысбаева – «Қазақстан тарихы» кафедрасының доценті, т.ғ.д.

«Ең нәтижелі оқулық авторы» атағын – «Кәсіби оқыту» кафедрасының жетекшісі, п.ғ.к., доцент, 9 оқулық авторы М.Д.Есекешова жеңіп алды. Сол оқулықтардың 4-і ҚР Білім және ғылым министрлігінің ұсынысымен басылса, 2-і ЖОО-дарына арналған оқу құралы ретінде шығарылған.

«Үздік мақала авторы» атағына ISI Web of Knowledge Thomson Reuters қорына енген, шетелдік мерзімдік басылымдардың 4,495 көрсеткіші берілген ғылыми мақалалар авторлары: а.ш.ғ.м. А.Х.Жұмалин, В.К.Швидченко – а.ш.ғ.к., доцент А.С.Тұрбекова – а.ш.ғ.к., С.А.Жатаев – б.ғ.к. ие болды.

«Үздік кураторлар» атағын: «Егіншілік және өсімдік шаруашылығы» кафедрасының оқытушысы – Н.Ж.Жаңбыршина, «Ақпараттық-байланыс технологиялары» кафедрасының оқытушысы – Ш.А.Байсалықова «Менеджмент» кафедрасының оқытушысы – А.К.Ерназарова иеленді

Тіл дайындығы бойынша үздік атанғандар: «Шет тілі» кафедрасының оқытушылары – Г.К.Қосмағанбетова, Д.Б.Қайкенов және Г.М. Жалелова.

«Үздік жаттықтырушы» атағымен – А.С.Шкурков, Ж.М.Абайдильдин, С.Д.Сүлейменов, К.Х.Ахметов марапатталды.

Барлық жеңімпаздарға дипломдар мен сертификаттар тапсырылып, бағалы сыйлықтар берілді.