«Тәуелсіздік – жаңару және жаңғыру мүмкіндігі» тақырыбында дөңгелек үстел өтті

«Тәуелсіздік – жаңару және жаңғыру мүмкіндігі» тақырыбында  дөңгелек үстел өтті

2016 жылы 27 желтоқсан күні философия кафедрасының аға оқытушысы А.Х.Әмедтің және «Таным» философиялық клубының жетекшісі Е.К.Ариновтың ұйымдастыруымен Қазақстан Республикасының тәуелсіздігінің 25 жылдығына арналған «Тәуелсіздік – жаңару және жаңғыру мүмкіндігі» тақырыбында дөңгелек үстел өтті. Дөңгелек үстелге ҚР Дін істері және азаматтық қоғам министрлігінің «Дін істері мәселелері жөніндегі ғылыми-талдау орталығының» жетекші ғылыми қызметкері Әділәлі Жабықбайұлы, философия кафедрасының профессорлық-оқытушылық құрамынан Х.С.Әбділдина, А.Қ.Әбдина, Ж.Т.Кульжанова, Т.М.Садықова, Г.С.Сарина, Е.Зайтханұлы, А.Ғ.Ғаппасова және Ж.Р.Зейнуллина қатысты.

Қатысушылар еліміз тәуелсіздікке қол жеткізген тұста орын алған дүниетанымдық мәселелерге шолу жасап, қазіргі уақытта қоғамдағы рухани, саяси, әлеуметтік салаларда өздерін толғандырып жүрген сұрақтар төңірегінде ой бөлісті. Әсіресе, еліміздегі діни ахуал мен діни қатынастардан туындап отырған мәселелер қатысушылардың пікір алмасуының өзегіне айналды.