ҚазАТУ оқытушылары үздік оқытушылар қатарында

ҚазАТУ оқытушылары үздік оқытушылар қатарында

Жыл аяғында «Жоғары оқу орнының үздік оқытушысы» атағын беру жөніндегі Республикалық конкурстық комиссияның отырысы өтті.

«Жоғары оқу орнының үздік оқытушысы» атағына еліміздің 58 жоғары оқу орынынан 200 адам ие болды. Конкурсқа республикамыздың 84 жоғары оқу орынынан 444 үміткер қатысты. Үміткерлердің 35 пайызы – ғылыми-педагогикалық өтілі 15 жылдан аспайтын оқытушылар.

ҚР Білім және ғылым министрлігінің 2016 жылғы «ЖОО-ның үздік оқытушысы» грантына С.Сейфуллин атындағы Қазақ агротехникалық университетінен үш оқытушы ие болды. Олар:

1. Достияров Абай Мұхамедиярұлы – «Жылуэнергетика» кафедрасының профессоры;

2. Бермұхамбетова Ботагөз Болатқызы – «Экономикалық теория» кафедрасының аға оқытушысы.

3. Мейірманов Арман Барлықұлы – «Радиотехника, электроника және телекоммуникация» кафедрасының аға оқытушысы;

Оқытушылардың қызметі өзектендірілген үміткерлердің жұмысын бағалаудың сапалық және сандық көрсеткіштері бойынша бағаланды. Соның ішінде, оқулықтарды, монографияларды, оқу құралдарын ағылшын тілінде әзірлеу, қатысу және басып шығару; кәсіби қызметі бойынша шет тіліндегі жаппай ашық онлайн курстардың платформасы базасында курстан табысты өткені туралы сертификаттың бар болуы және т.б.

Сондай-ақ, алғаш рет үміткерлердің барлық жоспарланған жұмыс түрлерін орындау мониторингін қарастыратын жылдық жоспар-кестесі де бағаланды.

Гранттар оқытушылардың ғылыми біліктіліктерін көтеруге, әлемнің жетекші оқу орындарында шетелдік тәжірибеден өтуге, халықаралық және республикалық ғылыми конференцияларға, симпозиумдар мен конгрестерге қатысуларына мүмкіндік береді.

2016 жылғы «ЖОО-ның үздік оқытушысы» сайысының жеңімпаздарын шын жүректен құттықтап, жаңа ғылыми табыстар тілейміз!