Жапония Елшісі ҚазАТУ-да болды

Жапония Елшісі ҚазАТУ-да болды

2017 жылы 17 наурыз күні «С.Сейфуллин атындағы Қазақ агротехникалық университеті» АҚ-на Жапонияның ҚР-дағы Төтенше және Өкілетті елшісі Кавабато Итиро және Жапония Елшілігінің 3-ші хатшысы Таканаси Сатору сыпайылық сапармен келді. Кездесуге Басқарма төрағасы А.Қ.Күрішбаев және ХЫжКОДО директоры С.Мейрамова қатысты.

Басқарма төрағасы А.Күрішбаев Жопанияның ҚР-дағы Төтенше және Өкілетті елшісі Кавабато Итироға университетімізге көрсеткен ықыласы үшін алғыс айтты. Сонымен қатар, Қазақстан және Жапония сауда-экономикалық және мәдени-гуманитарлық ынтымақтастық саласында жоғары әлеуетке ие, тұрақты өзара тиімді байланыс дамытып жатқатын атап өтті. Өз кезегінде ҚАТУ да Жапонияның Қазақстан Республикасындағы елшілігімен табысты түрде ынтымақтастық байланыс орнатып, елшіліктің әртүрлі халықаралық бағдарламаларына, атап айтқанда JIKA бағдарламасына оқу орнының бірнеше оқытушылары қатысты.

Кездесу барысында делегация «Биотехнология» ғылыми-зерттеу институтында магистранттар және студенттермен кездесіп, лабораториядағы жұмыстармен танысты. Сапар нәтижесінде ауыл шаруашылығында қолдануға арналған биоқауіпсіздік, акваөсіру және ақпараттық технологиялар салалары бойынша бірлескен орталық құру туралы келісімге келді. Келіссөздер барысында

А.Қ. Күрішбаев ҚАТУ-де осы салаларда жұмыс істеуге дайын қызметкерлер бар екендігін атап өтті. Атап айтқанда, Ветеринария және мал шаруашылығы технологиясы факультетінің «Биотехнология» кафедрасының көмекшісі Нұртөлеу Жанар 2014-2016 жылдары «Болашақ» халықаралық білім беру стипендиясының шеңберінде Токай Дайгаку университетінде  жапон тілінде магистратура бітірді.

Өз кезегінде, Жапонияның ҚР-дағы Төтенше және Өкілетті елшісі Итиро Кавабата алғысын білдіріп, ҚАТУ және Жапония Елшілігінің арасындағы қарым-қатынас өзара тиімді ынтымақтастық пен сындарлы диалог рухында дамып жалғаса беретіндігін мәлімдеді. Сондай-ақ, ол Қазақстан Республикасындағы Жапония Елшілігінің MEXT стипендиялық бағдарламасы туралы ақпарат ұсынды және ҚазАТУ студенттерін осы бағдарламаға белсенді қатысуға шақырды. Кездесу соңында тараптар естелік сыйлықтармен алмасты.