Республикалық олимпиада өтті

Республикалық олимпиада өтті

2017 жылы 17 наурыз күні С.Сейфуллин атындағы Қазақ Агротехникалық университетінің Халықаралық ынтымақтастық және көптілді оқытуды дамыту орталығына қарасты «Шетел тілдер» кафедрасы тілдік емес жоғары оқу орындарында оқитын 1, 2 курс студенттері арасында ҚазАТУ-дың 60 жылдық мерейтойына арналған “KazATU-Polympic (Kazatu-polilinguisticolympiad/interculturalcommunication атты ағылшын, француз және неміс тілдерінен республикалық пәндік олимпиада өткізді.

Олимпиаданың салтанатты ашылу рәсіміне АҚШ елшілігінің Орталық Азиядағы қоршаған орта, ғылым, техника және денсаулық сақтау жөніндегі аймақтық өкілі – Робин Мак Качен, Қазақстандағы Франция елшілігінің ғылым және университеттер ынтымақтастығы жөніндегі Атташесі – Tома Юэт қатысып, сөз сөйледі.  Сондай-ақ, олимпиадаға қазақстандық 12 ЖОО-ның: Яссауи атындағы МКТУ, Л.Н.Гумилев атындағы ЕНУ, КазГЮУ, КазЭУ, Ш.Уалиханов атындағы КГУ, М.Әуезов атындағы ОҚМУ, Е.А.Букетов атындағы ҚарГУ, Павлодар мемлекеттік педагогикалық институты, О.А.Байқоңыров атындағы Жезқазған университеті, С.Торайғыров атындағы Павлодар мемлекеттік университеті,  Жәңгір хан атындағы Батыс Қазақстан аграрлық-техникалық университеті, «Астана медициналық университеті» АҚ-ының өкілдері мен студенттері қатысты. Олимпиада мақсаты – тіл мамандығына қатысы жоқ студенттер арасында көптілділік идеясына қолдау көрсетіп, шет тілдерін оқып-үйренуге қызығушылық тудыру және олардың әлеуметтік-мәдени біліктілігін арттыру.

Басқарма төрағасының орынбасары С.В.Могильный құттықтау сөзінде университеттің шетелдік әріптестерімен байланысы туралы қысқаша тоқталып, барлық қатысушыларға сәттілік тіледі. Тәрбие жұмысы жөніндегі проректор Ж.А.Құсаинова ағылшын тілін оқып-үйренудің маңыздылығын атап өтті. Мак Качен шақырту үшін алғыс айтып, студенттердің шет тілдерін жақсы меңгергеніне назар аударды. Тома Юэт университеттің Франция елімен жасап отырған ынтымақтастық байланысына ерекше баға берді.

Шетел тілдері олимпиадасы екі кезеңнен тұрды. Олимпиаданың бірінші кезеңінде студенттердің лингвистикалық және тілдік құзіреттілігінің  қалыптасу деңгейін анықтау мақсатында  үш тілден (қазақ, орыс және ағылшын) лексика-грамматикалық тест жүргізілді.

Екінші кезеңде студенттердің берілген тақырып бойынша дайындықсыз сөйлеу мәнері анықталды. Олимпиада нәтижелері бойынша қатысушылар I, II және III дәрежелі дипломдармен, сертификаттармен, 5 номинация  және сыйлықтармен марапатталды. Жүлделі болған ҚазАТУ студенттері: Неміс тілінен: І орын – Эльмира Калиева мени Александра Олинеевич,  II  орын – Бакзия Нургалиева, III орын - Нұрболат Сарсенбаев пен Алина Тұрсынбекова. Француз тілінен: I орын – Балтабек Мухтар,  II орын – Төребек Жалғас пен Алмат Анеля,  III орын – Айнура Каирова мен Камилла Жұмақанова. Ағылшын тілінен: Алиби Жанкелді II орын алды.