ЕО Эразмус+ IQAT жобасы аясында вебинар өтті

ЕО Эразмус+ IQAT жобасы аясында вебинар өтті

2017 жылы 16 наурыз күні С.Сейфуллин атындағы Қазақ агротехникалық университетінде «Болон үдерісінің қағидаларын қолдану типологиясы және сапаны қамтамасыз ету жүйелерін енгізу саласында әлеуетті нығайту» ЕО Эразмус+ IQAT жобасы аясында вебинар өтті. Вебинарға Қарағанды мемлекеттік техникалық университеті мен Қазақ бас сәулет-құрылыс академиясынан ЖОО-серіктестері, сонымен қатар С.Сейфуллин атындағы ҚАТУ-дың профессорлық-оқытушылар құрамы қатысты.

Вебинар мақсаты – IQAT жобасы аясында ҚАТУ-да өткізілген анализді есепке алумен ЖОО-да сапа кепілдігінің ішкі жүйесінің элементтерін дайындау туралы ақпаратты тарату.  

Семинар барысында жоба үйлестірушісі, академиялық мәселелер жөніндегі департамент директоры Н.А.Серікпаев сөз сөйледі. Кездесуде келесі мәселелер қарастырылды: Болон үдерісінің қағидаларын есепке алып, ЖОО-да сапаның ішкі жүйесін бағалау; ЖОО сапа кепілдігінің ішкі жүйесінің негізі ретінде U-mapping шеңберінде позицияларды анықтау, сондай-ақ сапа жүйесін қолданумен әртүрлі қызмет түрлерін жайғастыру. Осы мәселелерді талқылауға Қарағандылық және Алматылық әріптестер мен  С.Сейфуллин атындағы ҚАТУ-нің профессорлық-оқытушылар құрамы белсене қатысты.