Ветеринарлық мамандарына арналған семинар-тренингтер

Ветеринарлық мамандарына арналған семинар-тренингтер

С.Сейфуллин атындағы ҚазАТУ-да Ветеринария және мал шаруашылығы факультеті ұйымдастырған облыстық зертханалардың ветеринарлық мамандары, ветеринарлық клиника мен шаруашылықтарының мал дәрігерлеріне арналған семинар-тренинг өткізілді. 

Семинар-тренинг «Ветеринарлық тәжірибедегі паразитология – өзекті білімдер және диагностиканың заманауи әдістері», «Мал шаруашылығы өнімдерінің сапасы мен қауіпсіздігі – ветеринариялық-санитариялықсараптамадағы жаңа әдістер» тақырыбындағы ветеринарлық ғылымның екі өзекті мәселесін қамтыды. Спикерлер ретіндепрофессор Б.С. Майканов, доценттер - Ю.А.Балджи, Ж.Ш.Адильбековпен Л.А.ЛидержәнеЮстус Либих атындағы Гиссен университетінен (Алмания) шақырылған қонақ, университетіміздің құрметті профессоры Кристиан Бауэр сөз сөйлеп, ветеринарлық практикада жақсы қолданыс табатын балаудың заманауи әдістері мен өздерінің ғылыми әзірлемелерін ұсынды. Семинар-тренингке «Астана қаласының ауыл шаруашылығы басқармасы» ММ, «Ветсервис НС» ЖШС, «Астана ауыл шаруашылығы өнімдері зертханасы» ЖШС,«Восток Эксперт Компания» ЖШС, ҚР АШМ Ветеринариялық бақылау және қадағалау комитетінің ШЖҚ РМК «Республикалық ветеринарлық зертханасы» Ақмола өңірлік филиалы, ҚР АШМ РМК «ВҰРО», Қарағанды облысы Абай ауданының фермерлік шаруашылығының ветеринарлық мамандары қатысты.

Семинар-тренинг соңында ветеринарлық практикада кездесетін мәселелерді талқылау, тәжірибемен алмасу және университет пен ветеринарлық ұйымдар арасындағы байланыстарды жалғастыру жөнінде дөңгелек үстел өткізілді.