Факультетаралық дәстүрлі спартакиада мәресіне жетті

Факультетаралық дәстүрлі спартакиада мәресіне жетті

Жалауын көтерген университет студенттері арасындағы факультетаралық дәстүрлі спартакиада өз мәресіне жетті. C.Сейфуллин атындағы Қазақ агротехникалық университетінің 60 жылдығына арналған жарыстар университетіміздің спорт клубы және «Дене тәрбиесі» кафедрасының ұйымдастыруымен студенттер арасында салауатты өмір салтын насихаттау, олардың денсаулығын нығайтуға үлес қосу, университет құрама командаларына іріктеу және университеттің 60 жылдығына арналған іс-шаралар жоспарын жүзеге асыру мақсатымен өткізілді. Спартакиада университетімізде танымал шағын футбол, волейбол (ерлер, қыздар), баскетбол (ерлер, қыздар), үстел теннисі, шахмат, тоғызқұмалақ, қол күресі, гір тасын көтеру және қазақ күресі секілді 11 спорт түрін қамтып, жалпы саны 511 студент қатысты. Спартакиада қорытындысы бойынша жалпыкомандалық есептегі 3 орынды – Ветеринария және мал шаруашылығы технологиясы факультеті командасы, 2 орынды – Техникалық факультет командасы иеленді. Жалпыкомандалық есептегі 1 орынды осымен қатарынан екінші жыл Энергетикалық факультет командасы жеңіп алды.