«Сейфуллин оқулары – 13: дәстүрлерді сақтай отырып, болашақты құру» атты республикалық ғылыми-теориялық конференция өтті

«Сейфуллин оқулары – 13: дәстүрлерді сақтай отырып, болашақты құру» атты республикалық ғылыми-теориялық конференция өтті

2017 жылы 21 сәуір күні С.Сейфуллин атындағы Қазақ агротехникалық университетінде оқу орнының 60 жылдық мерейтойы аясында «Сейфуллин оқулары – 13: дәстүрлерді сақтай отырып, болашақты құру» атты республикалық ғылыми-теориялық конференциясы өтті.

Конференцияның негізгі мақсаты – жас ғалымдардың инновациялық әлеуетін тиімді пайдалану; студенттердің, магистранттардың ғылыми-зерттеу қызметіне қызығушылығын арттыру, шығармашылық әлеуетін ашу, сонымен бірге жас ұрпақтың арасында ғылыми қызмет беделін арттыру. Конференция студенттердің, магистранттардың, докторанттар мен зерттеушілердің жұмыстарымен таныстыру, озық тәжірибелермен алмасу, Қазақстан мен шетелдік жас ғалымдардың ғылыми-зерттеу нәтижелерін ұсыну үшін ашық алаң болып табылады.

Салтанатты іс-шараны ашқан Басқарма Төрағасының бірінші орынбасары А.М.Әбдіров өзінің құттықтау сөзінде университеттің даму тарихы мен ғылыми жетістіктеріне тоқталып, конференцияға қатысушыларға табыс тіледі.

Белгілі қаламгер, көрнекті қоғам қайраткері Сәкен Сейфуллин атындағы республикалық ғылыми-теориялық конференция жұмысына ҚР «Атамекен» ҰКП Әлеуметтік сала және әлеуметтік серіктестік комитетінің төрағасы –Т.Қ. Доскенов, Қазақстан Республикасы Тұңғыш Президент қорының атқарушы директоры кеңесшісі – А.Н.Қайшарова, «Халықаралық бағдарламалар орталығы» АҚ президенті – Ж.Ж.Мелдешов, «Ғылым қоры» АҚ вице-президенті – Б.М.Жұмағалиев, «Технологиялық даму жөніндегі ұлттық агенттік» АҚ технологияларды трансферттеу мен коммерцияландыру орталығының басқарушы директоры – И.Т.Тоқбергенов, «Ұлттық аграрлық ғылыми-білім беру орталығы» КЕАҚ Ғылым департаментінің директоры – Е.И.Исламов, «Асыл түлік» Республикалық мал шарушылығын асылдандыру орталығының Басқарма төрағасы – А.А.Баққожаев, университет кітапханасының директоры – М.Д.Ахметова, жас ғалым, ҚазАТУ-дың аға оқытушысы – Ж.Б.Куанчелеев қатысып, сөз сөйлеп, баяндамаларын оқыды.

Сонымен қатар ғылыми іс-шараға ҚР Ауыл шаруашылығы министрлігінің ғылыми-технологиялық және техникалық саясаты департаментінің өкілі –А.Қ.Өскенбаев, «Қазақ орман шаруашылығы және агроорман мелиорациясы ғылыми-зерттеу институты» ЖШС директоры – Б.М. Мұқанов және Қазақстанның 18 ЖОО-ы мен орта мектептердің өкілдері қатысты

Конференция ғылыми-зерттеулердің басымдық бағыттарына сәйкес 14 секция бойынша жұмыс істеп, күндізгі және сырттай оқу түрінде 1231 баяндама жарияланды. Өткізілген іс-шараға 18 ЖОО-ның 700-ге жуық өкілі – жас ғалымдар, магистранттар мен студенттер қатысты. Іс-шара соңында секциялық отырыстар қорытындалып, жеңімпаздар мен белсенді қатысушылар дипломдармен марапатталып, конференцяның резолюциясы қабылданды.