Ғылыми семинар өтті

Ғылыми семинар өтті

2017 жылы 20 сәуір күні Гуманитарлық факультеттің «Қазақстан тарихы» кафедрасының оқытушылары: т.ғ.д., профессор Қ.Ж.Нұрбаев, т.ғ.к., Г.Жұман, Г.Ж.Габдулина, Н.Қ.Демеуованың және ПОҚ-құрамы ұйымдастыруымен «Алаш қозғалысының 100 жылдығы» мен С.Сейфуллин атындағы ҚазАТУ-дың 60 жылдығына арналған тарих апталығы аясында «Қазақстан жоғары мектебіндегі Алаш тарихының оқытылуы: тағылымы мен тәжірибесі» атты ғылыми семинар өткізілді. Шараға зиялы ғалымдар, қоғам қайраткерлері, факультет оқытушылары қатысты.

Ғылыми семинар мақсаты – «Алаш» тарихын Отандық және әлемдік тарихтың даму контекстінде оқуға талпыныс жасау, Қазақстан тарихында Алаш қозғалысының орны мен рөлін анықтау, ХХ ғ. басындағы оның қоғамдық-саяси қызметіне объективті баға беру. Ғылыми семинарда Алаш қозғалысының тарихы, Алаш қайраткерлерінің ұлттық идеясы төңіріндегі мәселелер талқыланды. Л.Н.Гумилев атындағы ЕҰУ жанындағы «Алаш» ҒЗО-ның директоры, тарих   ғылымдарының  PhD докторы  Жүсіп Сұлтан Хан Аққұлұлы Алаш бағдарламасының мазмұны, Алаш көсемі – Ә.Бөкейхановтың қазақ мемлекеттігінің негізін қалағаны, «Алаш Респуликасынан Қазақстан Респуликасына дейінгі кезең» туралы баяндады. 

Л.Н.Гумилев атындағы ЕҰУ оқытушысы, «Журналистика» кафедрасының профессоры.,т.ғ.д  Қ.М.Алдабергенов Алаш баспасөзі «Қазақ» газетінің мазмұнына тоқталды. Л.Н.Гумилев атындағы ЕҰУ оқытушысы, ф.ғ.к., Қайырбек Кемеңгер Омбы ауылшаруашылығы училищесінде оқыған қазақтар және «Бірлік» жастар ұйымы туралы С.Сейфуллин атындағы ҚазАТУ-дың «Қазақстан тарихы» кафедрасының аға оқытушысы, т.ғ.к., А.Ж. Габдулина мемлекеттік қайраткер Әзімбай Лекеров туралы мағлұматты, құнды мұрағат құжаттары мен тарихи деректер арқылы көрсетті.

С.Сейфуллин атындағы ҚазАТУ-дың доценті., а-ш.ғ.к  Ө.С.Сұлтанов кәсіби тарихшы болмаса да біраз жылдар бойы Ә.Бөкейхановтың қазақтың дәстүрлі мал шаруашылығы ғылымының қалыптасуы мен дамуына сіңірген еңбегі жөнінде зерттеп, шарада  ғылыми тұжырымдамасымен бөлісті. Л.Н.Гумилев атындағы ЕҰУ-нің тарих факультетінің «Еуразиялық зерттеулер» кафедрасының профессоры, т.ғ.д., Н.У.Шаяхметов, Қазақ технология және бизнес университетінің доценті.,ф.ғ.к., Р.Қ.Баимбетова, Астана қаласының мемлекеттік қалалық мұрағатының ғылыми қызметкері Н.А.Шамкенова Алаш қозғалысының тарихының қазіргі қоғам мәселелерімен сабақтастығын сөз етті. Конференция соңында Алаш қозғалысынң тарихына қатысты ой пікірлер сарапталып, қорытындыланды.