Ғылыми-практикалық семинар өтті

  Ғылыми-практикалық семинар өтті

2017 жылғы 12 мамырда «С.Сейфуллин атындағы Қазақ агротехникалық университеті» АҚ биология факультетінің ғимаратында Қазақстан Республикасы  Президенті Нұрсұлтан Әбішұлы Назарбаевтың «Болашаққа бағдар: рухани жаңғыру»  атты бағдарламалы мақаласы аясында «Қазақ және орыс тілдері» кафедрасы еліміздің  жетекші тілші ғалымдарының қатысуымен «Қазақ тілі – рухани бастау» атты ғылыми-практикалық семинар ұйымдастырды. Семинар модераторы – кафедра меңгерушісі, филология ғылымдарының кандидаты, доцент С.Кенжемұратова. Семинар бүгінгі күннің өзекті мәселелерін, мәселен: жаһандану жағдайындағы қазақ тілі, қоғамның рухани қалыптасу кезеңіндегі ана тілінің орны, латын ғарпіне көшу мәселесі, үш тұғырлы тіл саясаты, тілді оқытудың түрлі әдісі мен тәсілдерін қозғады. Ғылыми отырысты  «С.Сейфуллин атындағы Қазақ агротехникалық университеті» АҚ Басқарма төрағасының орынбасары, филология ғылымдарының докторы Ж.Құсаинова ашты, өз сөзінде Елбасының мемлекеттік тілге қатысты «Жалпыазаматтық әмбебеп ретінде бір тілдің басымдық танытуы, немесе «лингва франк» деп танылуы – заңды әрі тарихи құбылыс» деген дәйкесөзін тілге тиек етіп, аталмыш шараның маңыздылығына тоқталды.  Семинар отырысына Назарбаев университеті профессоры, филология ғылымдарының докторы З.Кузекова, Л.Гумилев атындағы Еуразия Ұлттық университет өкілдері – филология ғылымдарының докторлары, профессор Ж.Жақыпов, Б.Әбдуәлиұлы, Г.Сыздықова, Қ.Сарекенова, Қазақстандағы М.Ломоносов атындағы ММУ профессоры педагогика ғылымдарының докторы Н.Құрман, ТҰРАН Астана университетінің профессоры, педагогика ғылымдарының докторы Қ. Кадашева, Ш.Шаяхметов атындағы Тілдерді дамыту республикалық үйлестіру-әдістемелік орталығының директоры, филология ғылымдарының кандидаты Е.Тілешев қатысты.

Семинарды факультет деканы, ф.ғ.к.,доцент Х.Ә.Әубәкірова қорытындылап, келген қонақтарға алғысын білдірді.

Елбасымыздың жасампаздығы мен көрегендігінің арқасында рухани жаңғыру бастамасымен еліміздің жаңа тарихи кезеңге өтіп жатқаны, сол жаңару жолындағы қазақ тілінің алатын айрықша орны мен рөлі ғылыми семинардың қорытынды бөліміне өзек болды.