Дөгелек үстел отырысы өтті

Дөгелек үстел отырысы өтті

2017 жылдың 12 мамырында «Қаржы» кафедрасы С.Сейфуллин атындағы Қазақ агротехникалық университетінің 60 жылдығына арналған  «Қазақстан Республикасының АӨК дамуы және қаржылық қолдау проблемалары» атты дөгелек үстел өткізді.

Дөңгелек үстелге «ҚазАгро Ұлттық холдингі» қаржы департаментінің директоры Б.Т.Абдрахманова, сондай-ақ КазУЭФМТ, "Тұран-Астана" университеті және С.Сейфуллин атындағы ҚАТУ-нің жетекші ғалым-экономистері ҚР ҰҒА академигі Г.С.Сейткасимов, экономика ғылымдарының докторы А.А.Мусина, Р.А.Исмаилова, экономика ғылымдарының кандидаттары А.С.Исмаилова, Д.Т.Жуманова, Р.К.Берстембаева, З.А.Баймагамбетова, Д.А.Тлеужанова, Г.Б.Утибаева, М.А.Касимбекова, Ж.М.Омарханова және қаржы магистрлері М.Х.Кадринов, Г.М.Мукашева, Г.Ж.Матайбаева, Г.А.Матайбаева, В.Ж.Алпысова, О.В.Мисник қатысты.

Дөңгелек үстелге қатысушылар Б.Т.Абдрахманованың ««ҚазАгро» Ұлттық Холдингі» АҚ мысалында Қазақстан Республикасының ауыл шаруашылығын қаржылай қолдау» тақырыбындағы, э.ғ.к З.А.Баймағамбетованың «Ауыл шаруашылығы тәуекелдерін сақтандыру механизмін жетілдіру» тақырыбындағы, э.ғ.к Г.Б.Утибаеваның «Основные направления государственной финансовой поддержки сельского хозяйства РК» тақырыбындағы баяндамаларын тыңдады. Сондай-ақ, талқылау үшін панельдік сессияға 8 баяндама ұсынылды.

Дөңгелек үстел қорытындылары бойынша Қазақстан Республикасының агроөнеркәсіптік кешенін дамыту бойынша ғылыми-әдістемелік және практикалық  ұсыныстар жасалды:

- ауыл шаруашылық жерлерін тиімді пайдаланудың инновациялық әдістерін пайдаланатын аграрлық сектор салық төлеушілерін ынталандыру мақсатында заңнамалық базаны реформалау;

- ауыл шаруашылығы өнімдерін технологиялық жабдықтауды жаңарту, өңдеу, сақтау және шығындарына несие алу мүмкіндігі үшін шағын өндірушілерді кооперативтерге біріктіру;

- АӨК субъектілерін субсидиялау, салалық бағдарламаларды жүзеге асыруда қаржылық ресурстарды (гранттар, қарыздар) жинақтау үшін «ҚазАгро» ҰБХ» базасына мамандандырылған банк құру;

- ауыл шаруашылығындағы тәуекелдерді сақтандыру бойынша мамандандырылған мемлекеттік мекеме құру.

         Қорытындылай келе, дөңгелек үстел қатысушылары дөңгелек үстел отырыстарында өзекті экономикалық және қаржы талқылау мәселелерін тұрақты негізде тәжірибеге енгізуді ұсынды.

Дөңгелек үстелді ұйымдастырушылар: «Қаржы» кафедрасының меңгерушісі, э.ғ.к З.А.Баймагамбетова, э.ғ.д Р.А.Исмаилова, э.ғ.к Д.А.Тлеужанова, э.ғ.к. Д.Т.Жуманова және «Қаржы» кафедрасының оқытушылар ұжымы.