ҚазАТУ Тәжікстандағы қазақстандық ЖОО-ның көрмесіне қатысты 

ҚазАТУ Тәжікстандағы қазақстандық ЖОО-ның көрмесіне қатысты 

 Екі апта бұрын БҰҰДБ-ндағы әріптестердің бастамасы бойынша Орталық Азия елдерінен келген ауылшаруашылық өнімін өндірушілер делегациясы ҚазАТУ-да болды. Ашық әңгіме өрбіп, университет қонақтарға қатты ұнады. Әсіресе оларға біздің барлық посткеңестік кеңістік үшін айрықша  көрінетін, жаңа стратегиямыз ерекше әсер етті

Міне, бүгін отандық жетекші 20 ЖОО-нан құралған делегация құрамында ҚР Білім және ғылым министрлігі ұйымдастырған қазақстандық жоғары оқу орындарының Тәжікстандағы көрмесіне қатысып отырмыз. Мақсатымыз – шетелдік студенттерді оқуға тартып, халықаралық аренада отандық ЖОО-ның беделін көтеру.

Мұндай көрмелерге қатысу – ҚазАТУ үшін айтарлықтай тың тәжірибе. Дегенмен, бұл біздің Тәжікстан жастарымен алғашқы кездесуіміз емес. Соңғы жылдары университет халықаралық аренаға шығуда бірқатар тәжірибе жинады. Бүгінгі кездесу де – соның айғағы. Сонда да бізді көрмеде кездескен түлектер саны еріксіз таң қалдырды. Айтпақшы, сол түлектеріміздің бірі – қазір Тәжікстан Премьер-министрінің орынбасары.

         Жетістіктеріміз аз емес, бірақ бұл – жолдың басы ғана!..