Қанат Әуесбаймен кездесу өтті  

Қанат Әуесбаймен кездесу өтті   

2017 жылдың 12 мамыры күні С.Сейфуллин атындағы Қазақ агротехникалық университетінде «Жас Отан» Жастар қанатының ұйымдастыруымен Қазақстан журналистер одағы» сыйлығының лауреаты, «Мемлекеттік тіл және БАҚ» байқауының «Үздік тележурналист» аталымының жеңімпазы, "Әуесбайдың Қанаты" деген атпен халықтың сүйіктісіне айналған – Қанат Әуесбаймен кездесу ұйымдастырылды.

Кездесу барысында Қанат Әуесбай өзінің өмірлік тәжірибесімен бөлісіп қана қоймай, студенттерді журналистиканың қыр-сырымен таныстыра отырып, жалынды жастардың көкейінде жүрген көптеген сауалдарға жауап берді. Студенттер өз сауалдарына тұщымды жауап алып, кездесу ашық әрі еркін түрде жалғасты. Қанат мырза бүгінгі таңда журналистика саласының қарқынды дамып келе жатқанын, сапалы мамандар даярлау басты назарда екенін атап көрсетті. Бас-аяғы бір жарым сағатқа созылған бұл кездесу біздің студенттеріміз үшін айтарлықтай ой салар, тәжірибе жинақтап, өмірлік сабақ алар маңызды шара болды. Қанат ағамыздың еліміздің ертеңі болар жастарға айтқан ақыл-кеңестері қанатын енді жайып келе жатқан біздің қыран сынды студенттерімізге өмір бойына азық боларына сенімдіміз. Кеш соңы ерекше ықыласпен естелік фотоға түсумен аяқталды.