Еуроодақ сарапшылары IQAT Эразмус+ жобасы бойынша ҚазАТУ-да болды

Еуроодақ сарапшылары IQAT Эразмус+ жобасы бойынша ҚазАТУ-да болды

 2017 жылы 11-13 мамыр аралығында С.Сейфуллина атындағы Қазақ агротехникалық университетіне Еуропалық Одақтан сарапшылар келді. Jiri Hejkrlik – Чехия жаратылыстану ғылымдарының университетінің тропикалық ғылымдар декан орынбасары – Jan Beseda, жоғары білім дамыту орталығының жетекші сарапшысы (Чех Республикасы) және Denis Galvin – Аликанте университетінің жобаларды басқару Халықаралық кеңсенің жетекші менеджері (Испания).

Сапар мақсаты – «Сапаны қамтамасыз ету институционалды жүйелерін енгізу мүмкіндіктерін кеңейту және Болон үдерісінің қағидаларын қолдану типологиясы» IQAT Эразмус+ ЕО жоба аясында өзін-өзі бағалау бойынша есептерді тыңдау және сапа бағалау жүйесінің соңғы ішкі әзірлеуде көмек көрсету.  

Іссапар барысында сарапшылар ҚазАТУ Басқарма төрағасының бірінші орынбасары А.М.Абдыровпен кездесті. Университетте білім беру сапасының кепілдігі жүйесі бойынша толық жауаптар берілді. IQAT жоба тобының жұмысы дөңгелек үстелде өтіп, келесі презентациялар тыңдалды: У.А.Хасенова – ҚР ББжҒМ Болон үдерісі Орталығының жетекші сарапшысы «БҮО қызметі және Қазақстандағы Академиялық ұтқырлық»; С.О.Қытайбекова – университет бойынша Эразмус+ бағдарламасының үйлестірушісі «С.Сейфуллин атындағы ҚазАТУ: қазіргі таңда және болашағы»; С.С.Алдабергенова – СМЖ бөлімінің бастығы м.а. «С.Сейфуллин атындағы ҚазАТУ-да СМЖ қызметі»; Г.А.Алпыспаева – академиялық мәселелер жөніндегі департамент директорының орынбасары «С.Сейфуллин атындағы ҚазАТУ-да сапа кепілдігі ішкі жүйесінің анализі» және Н.А.Серікпаева – АМжД, IQAT жобасының үйлестірушісі. IQAT жоба тобының келесі бағыттар бойынша ЖОО қызметі бойынша U-map жаңа еуропалық әдістемесін қолдану мен сапа кепілдігі бағасы бойынша жұмыс нәтижелерін ұсынды: оқу, ғылыми, халықаралық және тәрбие қызметі мен жұмыс берушілермен байланыс.

Іссапар соңында бүкіл қызмет бойынша U-map жаңа әдістемені қолдануды ЖОО-на ұсыну және ЖОО-ын саралау үшін сарапшылар ҚазАТУ-дың «Биотехнология ғылыми-зерттеу институтында», Қытай және Белоруссия орталықтарында, Техникалық факультеттің ет және сүт өнімдерін қайта өңдеу цехтарында, Морфология және жер мұражайында, Энергетикалық факультеттің лаборатиясында және кітапханада болды.