КазАТУ-да Эразмус+ Халықаралық конференция өтуде

КазАТУ-да Эразмус+ Халықаралық конференция өтуде

2017 жылғы 29 маусымда «С. Сейфуллин атындағы Қазақ агротехникалық университеті» АҚ (бұдан былай - С. Сейфуллин атындағы ҚАТУ) Еуропалық Одақтың «Болон үдерісінің қағидаларын қолдана отырып, сапаны қамтамасыз ететін институционалдық жүйелер мен типологиясын енгізу мүмкіндіктерін күшейту / IQAT» Эразмус+ жобасының нәтижелері бойынша «Болон қағидалары және Еуропалық Одақ мен Орталық Азия елдерінің жоғары оқу орындарында сапаны қамтамасыз ету» атты Халықаралық конференция өткізеді.

С. Сейфуллин атындағы ҚАТУ Эразмус+ бағдарламасының IQAT жобасына қатысады, бұл жобаның үйлестірушісі – Чехия  жаратылыстану ғылымдарының университеті. Конференцияға келесі серіктес жоғары оқу орындары мен білім беру мекемелері қатыспақ: Жоғары білім беруді дамыту орталығы (Чехия Республикасы), Аликантэ Университеті (Испания), Латвия мемлекеттік университеті (Латвия), Философ Константин атындағы Словакия университеті  (Словакия),  Ташкент химия-технологиялық университеті, Андижан мемлекеттік университеті, Самарқанд аграрлық университеті (Өзбекстан), Қарағанды мемлекеттік техникалық университет, Халықаралық білім беру корпорациясы (Қазақ Бас сәулет-құрылыс академиясы), Ұлттық қорғаныс университеті, ҚР БҒМ және ҚР Болон Үдерісінің Оралығы.

«Болон үдерісінің қағидаларын қолдана отырып, сапаны қамтамасыз ететін институционалдық жүйелер мен типологиясын енгізу мүмкіндіктерін күшейту / IQAT» жобасы Орталық Азияның екі серіктес елі – Қазақстан мен Өзбекстанның жоғары оқу орындарында институционалдық типология арқылы ішкі сапаны кепілді қамтамасыз ететін Болон үдерісінің реформаларын іске асырудағы  мүмкіндіктерін күшейтуге бағытталған.

Әр университеттің ішкі құрылысы мен миссиясының жағдайын зерттеу үшін

U-Map әдіснамасы қолданған. Сапаны қамтамасыз ететін ішкі жүйелерді іске асыру мақсатында бағалаудың 3 деңгейі қолданылған: Орталық Азияның серіктес жоғары оқу орындарының өзін-өзі бағалауы, еуропалық серіктес жоғары оқу орындары сарапшыларының бағалауы және серіктес елдерінің білім сапасы бойынша Ұлттық агенттіктері жүргізетін сыртқы бағалауы. IQAT жобасының күтілетін нәтижелері – толық оқытылған басқарушы қызметкерлері және серіктес елдерінің жоғары оқу орындарында сапаны қамтамасыз ету бойынша жақында әзірленген және/немесе ендірілген ішкі жүйелерді енгізу.  

 

 Конференция 2017 жылғы 29 маусымда мына мекен-жай бойынша өткізіледі:  Астана қаласы, Жеңіс даңғылы 62, кіші мәжіліс залы.

 

Ұйымдастыру комитеті:

 

Академиялық мәселелер жөніндегі департамент

 

Тел.: +7 7172 39 39 19

Сот. т.  8 702 492 79 30, 8 701457 93 19