Мемлекет қайраткерлері мен ғалымдар марапатталды

Мемлекет қайраткерлері мен ғалымдар марапатталды

С.Сейфуллин атындағы Қазақ агротехникалық университетінің Басқарма төрағасы профессор Күрішбаев Ақылбек Қажығұлұлы Қазақстан Педагогикалық ғылымдар Академиясының 2016 жылғы 30 сәуірдегі шешімімен (№2 хаттама) Қазақстан Педагогикалық ғылымдар Академиясының академигі болып сайланды.

 С.Сейфуллин атындағы Қазақ агротехникалық университетінің Академиялық атақтар беру жөніндегі ережесіне сәйкес және Ғылыми кеңестің 2017 жылғы 14 маусымдағы (хаттама № 20) шешімімен «О, Азамат» холдингтік компаниясының  президенті, университеттің 1981 жылғы түлегі Өмірзақов Тұрсынбек Қазенұлына университеттің «Құрметті профессоры» академиялық атағы берілді.

 Алматы қаласындағы «Бейбітшілік әлемі» Халықаралық Қазақ шығармашылық бірлестігі университет қызметкері, в.ғ.к., доцент Бекқожин Аманжол Жұбанышұлын халықтар арасындағы достық пен ынтымақтастықты нығайта отырып, еліміздің өркендеуі жолында ұрпаққа сапалы білім, саналы тәрбие берудегі педагогикалық, ұйымдастырушылық, іскерлік қабілеті үшін «Ыбырай Алтынсарин» медалімен марапаттады.

 

Алған марапаттарыңыз құтты болсын! Еңбектеріңізге табыс тілейміз!