ҚазАТУ-ға Малайзия делегациясы келді

ҚазАТУ-ға Малайзия делегациясы келді

2017 жылы 10 шілде күні С.Сейфуллин атындағы Қазақ агротехникалық университетіне Малайзия жасыл технологиялар және су ресурстары министрлігінің бас хатшысы – профессор Дато Сери Заини Уджанг, министр көмекшісі – Сухамии мырза және Қазақстандағы Малайзия білім орталығының бас директоры – д-р Али Шер іскерлік сапармен келді.  

Делегацияны С.Сейфуллин атындағы ҚАТУ АҚ Басқарма төрағасының стратегиялық жоспарлау, ғылым және халықаралық байланыстар жөніндегі орынбасары С.В.Могильный, ХЫжәнеКОДО директоры С.Ә.Мейрамова және Энергетикалық факультетінің деканы С.С.Исенов қарсы алды.

Сапар мақсаты – Малайзия және Қазақстан арасындағы ынтымақтастықтың мүмкін өрістерін талқылау және әрі қарай жұмыс жүргізу үшін байланыс орнату.

Кездесу барысында Басқарма төрағасының орынбасары С.В.Могильный делегацияны университет жұмысының жаңа бағыттарымен таныстырды және Малайзия университеттерімен ынмымақтастықты атап өтті. Басқарма төрағасының орынбасары С.В.Могильный халықаралық деңгейдегі аграрлық зерттеу университетін құру аясында С.Сейфуллин атындағы Қазақ агротехникалық университеті америкалық жетекші университеттерімен және серіктес ҒЗИ-на баса назар аударады, олардың ішінде Девистағы Калифорния университеті өте маңызды стратегиялық әріптесіміз болып табылатының айрықша айтты.

Профессор Дато Сери Заини Уджанг мырза Малайзияның жасыл технологиялар және су ресурстары министірлігінің жұмысы туралы қысқаша әңгімеледі, сондай-ақ халықаралық ЭКСПО-2017 көрмесіндегі Малайзияның павильоны туралы айтып берді. Дато Сери Заини Уджанг мырза ҚазАТУ қызметкерлерін  Малайзияның павильонында өтетін тегін семинарларға шақырды.

Кездесу соңында тараптар ынтымақтастықты одан әрі нығайту үшін 5 басым бағыттарда жол картасын әзірлеу туралы уағдаласты. Екі жақтың өкілдері өткен келіссөзде нығайту және халықаралық алаңда екі мемлекет арасында өзара серіктестік қарым-қатынастың ілгері дамуына жағдай жасалатыны туралы айтты.