Құрметті талапкерлер! 

Құрметті талапкерлер! 

Құрметті талапкерлер! 
С.Сейфуллин атындағы Қазақ агротехникалық ұжымы атынан (әрі қарай ҚазАТУ) Сіздерді мектеп бітірулеріңізбен құттықтаймын және жоғары оқу орындарына түсуде сәттілік тілеймін!
​Қазір Сіздердің өмірлеріңізде ең жауапты сәт туды, яғни болашақ мамандықты таңдау кезеңі. Сіздер бүгінгі сәтте дұрыс таңдау жасай алсаңыздар, болашақта бақытты, сапалы өмір сүруге жол ашасыздар. «Жұмыстарыңыз Сіздерге қуаныш әкеле ме, жақсы өмір сүруге жеткілікті қаражат бере ала ма, өз мамандығыңыз бойынша сәтті бизнесмен немесе жетекші маман бола аласыз ба?» бұл сұрақтардың жауабы да бүгінгі дұрыс таңдаудан бастау алады және көп жағдайда бәрі тек өз қолдарыңызда!
​Өткенге шегініс жасап, мен өзімді Сіздердің орындарыңызға қойып, мамандық таңдаудың қаншалықты маңызды және қиын болғанын есіме түсіріп отырмын. Жоғары білім алу үшін оқу орнын таңдағанда, мен өзімнің болашақ мансабымды агроөндірістік кешенмен байланыстыруға нақты шешім қабылдаған едім. Ия, бұл – терең білімді және жауапкершілікті талап ететін өте қажырлы еңбек жолы. Екінші жағынан, игілікті жұмыс! Адамдарды сапалы және қолжетімді азық-түлікпен қамтамасыз ету, шынымен, игілікті жұмыс емес пе?! Сондықтан көп жылдар өндірісте жұмыс істегенде, ғылымда, Ауыл шаруашылығы министрлігін басқарған жылдарда да мен сол кездегі таңдауыма еш өкінбеймін. Әсіресе, агроөндірістік кешен Қазақстан Республикасының экономикасын дамытудың шынайы драйверіне айналып, әлемде біздің еліміздің бағытын және орнын айқындап отырған бүгінгі күнде дұрыс таңдау жасағанымды сезінемін.
​Сіздерді С.Сейфуллин атындағы Қазақ агротехникалық университетіне оқуға түсуге шақырамын!
​Біздің ұжым Сіздерді болашақта сұранысқа ие және табысты маман ретінде дайындауды көздейді. Бүгінде ҚазАТУ Қазақстандағы аграрлық және техникалық салалар бойынша ең ірі университет болып табылады. 60 жылдық мерейтой жылында біздің университетіміздің базасында Қазақстанда тұңғыш рет аграрлық бағыттағы зерттеу университеті құрылады. Біз АШК-нің барлық бағыттарын және онымен байланысты салаларды қамтитын кең ауқымдағы бакалавриат, магистратура және докторантура бағдарламаларын ұсынамыз. Біздің әріптестеріміз – АҚШ, Европа, Қытай, Австралиядағы әлемдік деңгейдегі ауылшаруашылық университеттері.
​Студенттерге қамқорлық жасау – біздің басты назарымызда! Оқу орнымыздағы студенттік асханалар, әлеуметтік дүкен және дәріханадағы бағалар Қазақстан бойынша қолжетімді бағалар болып табылады. Бізде өзіміздің студенттік емханамыз бар және ағымдағы жылда жаңа студенттік жатақхананы қолданысқа бердік. Бұдан бөлек біздің студенттеріміз шығармашылық іс-шараларға және спорттық секцияларға белсенді атсалысады. Олардың ішінде еліміз мақтан тұтатын чемпиондар мен жүлдегерлер бар. Бұл жетістіктер тек басы ғана. Біздің мақсатымыз аймақта – жетекші оқу орны мәртебесіне ие болу және біз осы мақсаттарға Сіздермен бірге қол жеткізгіміз келеді. Өз болашақтарыңызды Бізбен, ҚазАТУ-мен, байланыстырыңыздар!
​60 мыңға жуық түлегі бар «ҚазАТУ» отбасының мүшесі болып, жоғары технологиялы, бәсекеге қабілетті, экспортқа бағытталған аграрлық секторға негізделген Қазақстанның жаңа экономикасын құруға өз үлесіңізді қосыңыз!