Кармен Байс бастаған АҚШ Елшілігі делегатсиясы ҚазАТУ-ға келді

Кармен Байс бастаған АҚШ Елшілігі делегатсиясы ҚазАТУ-ға келді

2017 жылдың 22 тамызында Азия мемлекеттері бойынша бағдарламалар үйлестірушісі Кармен Байс бастаған АҚШ Елшілігінің делегаттары С.Сейфуллин атындағы ҚазАТУ-ға (ары қарай ҚазАТУ) ресми іс-сапармен келді. Делегация құрамында АҚШ Мемлекеттік Департаментінің Білім және мәдениет бюросының өкілі Энн Джелиазков, Астана қаласындағы АҚШ Елшілігінің мәдениет және білім бөлімінің маманы Адолат Наджимова, Астана қаласындағы АҚШ Елшілігінің ауыл шаруашылығы бөлімінің маманы Жамал Жармагамбетова, Астана қаласындағы АҚШ Елшілігінің білім бойынша маманы Айдана Кенесбаева, Астанадағы АҚШ Елшілігінің «Халықаралық сапарлар» бағдарламасының үйлестірушісі Элина Ахтиярова және аудармашы Ольга Кочнева болды.

Кездесу ҚазАТУ ғылыми және инновациялық жөніндегі Проректоры И.Т Тоқбергеновпен өтті. ҚазАТУ жағынан кездесуге ХЫжКОДО директоры Мейрамова С.А., биотехнология ҒЗИ директоры Куйбагаров М.А., білім кеңейту кеңсесінің Басшысы Айтхожин С., агрономиялық факультет Деканы Стыбаев Г.Ж., экономикалық факультет Деканы Исмаилова А.С., агрономиялық факультет деканының орынбасары Хурметбек О., экономикалық факультеттің аға оқытушысы Айнаканова Б.А. қатысты.

Кездесудің мақсаты – ынтымақтастықты дамыту келешегі жөніндегі келіссөздерді  талқылау болды.

Ғылым және инновация жөніндегі проректор И.Т Тоқбергенов өзінің алғы сөзінде қонақтарды С.Сейфуллин атындағы Қазақ Агротехникалық университетінің қызметімен таныстырды, сонымен қатар Дэвистегі Калифорниялық университетпен, Арканзас және Миссури штаттарындағы университеттермен жүргізіліп жатқан әріптестік жұмыстар жайлы айтты.

Өз кезегінде, Кармен Байс жылы лебіздер үшін алғысын білдіріп, осы кездесу ұзақ мерзімді және өзара келісімді ынтымақтастықтың жаңа бағыттарына тиімді болатынын ескерді. Борлоуг Институтының Халықаралық Ауылшаруашылық бөлімі бойынша Азия мемлекеттеріндегі бағдарламалар үйлестірушісі Кармен Байс ханым, ауылшаруашылық, оның ішінде мал шаруашылығы, өсімдік шаруашылығы саласындағы жастарға арналған оқыту бағдарламаларын әзірлеу жөнінде бастамалар жайында сөз қозғады.

Одан әрі кездесуге қатысушылар арасында ынтымақтастықты дамыту жөнінде нәтижелі талқылаулар өтті. ҚазАТУ оқытушылары өз тәжірибелерімен бөлісіп, өздерінің АҚШ-тағы тағылымдамалары жайында баяндады. 

ҚазАТУ жағынан жастарды оқыту бағдарламаларын іске асыру барысында пилотты жобаларды іске асыру жайында ұсыныстар айтылып, бірлесіп оқытылатын агроөнеркәсіптік кешен субъектілеріне арналған Extension бағдарламасы бойынша  пікірлесті.

Кездесу соңында, Жақтар өзара тиімді ынтымақтастықты ұлғайту туралы келісімдерге тоқтады.