Құрметті ұстаздар мен студенттер!

Құрметті ұстаздар мен студенттер!

Сіздерді  шуақты да жарқын мерекеміз – Білім күнімен құттықтаймын! Ғылыми-техникалық даму қарқыны шарықтау шегіне жеткен 21 ғасырда әрбір адам үшін дүниеге келген сәттен  білімнің шексіз кеңістігіне толассыз сапары басталады. «Оқу инемен құдық қазғанмен тең» деп аталарымыз айтпақшы, заман талабына сай жақсы білім алып, лайықты маман, абыройлы азамат болу үшін үлкен жігер мен қажыр, табандылық керек. Әрбір адамның өміріне ерекше із қалдыратын Білім күні еліміздің барлық тұрғындарының басын біріктіреді. Мектеп табалдырғын аттаған балдырғандардан бастап, орта, жоғарғы оқу орындарының студенттері, олардың ата-аналары, ұстаздары  бұл күнді ерекше ықыласпен қарсы алады.  Ендеше, осынау қуанышты мерекемен баршаңызды шын жүректен құттықтаймын! Сіздерге бүгінгі ерекше, жайма шуақ күні жақсы көңіл күй, жаңа жетістік, ұдайы ізденіс, шығармашылық табыс, мықты денсаулық және жаңа бастамалар мен тек сәттілік тілеймін! Үлкен үміттерге толы Білім күні Сіздердің үлкен арман-мақсаттарыңыздың орындалуына бастама болсын!

Ізгі ниетпен, С.Сейфуллин

 атындағы Қазақ агротехникалық

 университетінің ректоры                    А.Күрішбаев