«Болашақ әкеге» атты  кездесу өтті

«Болашақ әкеге» атты  кездесу өтті

2017 жылдың 10 қазаны күні С.Сейфуллин атындағы Қазақ агротехникалық университеті және Қазақстан жастарының конвенті ұйымдастыруымен университеттің агрономиялық факультетінің акт залында филология ғылымдарының кандидаты Омар Жәлелмен «Болашақ әкеге» тақырыбында  ер балалармен кездесу өтті.

         Кездесу барысында Омар мырза өзінің өмірлік тәжірибесімен бөлісіп, ағалық көңілімен жастарға ақыл кеңесін берді. Қазіргі таңдағы түйіткілді мәселелердің біріне айналып отырған – «Отбасын ерте құру және ажырасып кету». Бұл мәселе жиналыстың негізіне айналды. Ер адамның бойындағы салмақты мінез, сабырлық, өз ісіне деген жауапкершілік, бір-біріне деген бауырмалдық және кішіпейілділікті тәрбиелеу туралы кең тарқатып айтылды.

Ер балалар өз сауалдарына жауап алып, кездесу ашық әрі еркін түрде жалғасты. Бір сағатқа созылған бұл кездесу біздің студенттеріміз үшін айтарлықтай ой салар, тәжірбие жинақтап, өмірлік сабақ алар маңызды шара болды.

Омар мырзаның еліміздің ертеңі болар жастарға айтқан ақыл-кеңестері қанатын енді жайып келе жатқан біздің қыран сынды студенттерімізге өмір бойына азық боларына сенімдіміз.

Кеш соңы ерекше ықыласпен естелік фотоға түсумен аяқталды.