«Бойжеткенің назарына» атты кездесу өтті

 «Бойжеткенің назарына» атты кездесу өтті

2017 жылдың 10 қазаны күні С.Сейфуллин атындағы Қазақ агротехникалық университеті мен Қазақстан жастарының конвентінің ұйымдастыруымен № 5 жатақханада қоғам қайраткері Оразкүл Асанғазықызымен «Бойжеткенің назарына» атты жасөспірім қыз балалар арасында кездесу өтті.

         Кездесу барысында Оразкүл Асанғазықызы өзінің өмірлік тәжірибесімен бөлісіп қана қоймай, қыздарды ана, аяулы жар, үлгілі қызметкер болудың қыр-сырларымен таныстырып, жалынды жастардың көкейінде жүрген көптеген сауалдарға жауап берді.

Қыздар сауалдарына жауап алып, кездесу ашық әрі еркін түрде жалғасты.

Бас-аяғы бір жарым сағатқа созылған бұл кездесу біздің студенттеріміз үшін айтарлықтай ой салар, тәжірибе жинақтап, өмірлік сабақ алар маңызды шара болды.

Оразкүл ханымның еліміздің ертеңі болар жастарға айтқан ақыл-кеңестері қанатын енді жайып келе жатқан студенттерімізге өмір бойы рухани азық болары күмәнсіз.

Кеш соңы ерекше ықыласпен естелік фотоға түсумен аяқталды.