Ғалым  марапаты

    Ғалым  марапаты

Техника ғылымдарының докторы, «Жылу энергетикасы» кафедрасының аға оқытушысы БАЯНДЫ ДИХАНБАЕВ Қазақстан Республикасының Энергетика министрі К.Бозымбаевтың атынан «Астана ЭКСПО – 2017» Халықаралық мамандандырылған көрмесінде «Нұр Әлем» павилионының көрмелік экспозицияларын дайындауға белсенді ат салысқаны және нәтижелі ынтымақтастық үшін Алғыс хат алды және Қазақстан Республикасы Білім және Ғылым Министрі Е.Сағадиевтің атынан «ҚАЗАҚСТАН РЕСПУБЛИКАСЫНЫҢ ҒЫЛЫМЫН ДАМЫТУҒА СІҢІРГЕН ЕҢБЕГІ ҮШІН» белгісімен марапатталды.

         Сонымен қатар Энергетикалық факультет деканы С.Исенов өз құттықтауын білдіріп: «Құрметті Баянды Ибрагимұлы, Сізді «Астана ЭКСПО – 2017» Халықаралық мамандандырылған көрмесінде «Нұр Әлем» павилионының көрмелік экспозицияларын дайындауға белсенді ат салысқаныңыз және нәтижелі ынтымақтастық үшін, және де Қазақстан Республикасының ғылым саласында ерекше еңбегіңіз үшін шын жүректен үлкен алғысымды айтамын. Бұның бәрі сіздің Қазақстанның орнығуы мен дауына үлкен үлес қосып отырғаныңыздың тағы бір дәлелі.

         Профессорлық-оқытушы құрамы және де өз атымнан Сізге жаңа шығармашылық табыс, денсаулық, жақсылық және сәттілік тілеймін!» - деді.