"Жастар және қазіргі қоғам" атты дәріс өтті

"Жастар және қазіргі қоғам" атты дәріс өтті

 2017 жылы 10 қараша күні №8 жатақханада "Рухани жаңғыру: болашаққа бағдар" бағдарламасын іске асыру шеңберінде Гуманитарлық факультеттің  «Қазақ және орыс тілдері» кафедрасының аға оқытушысы А.М.Кажығалиева "Жастар және қазіргі заманғы қоғам" атты дәріс өткізді.

       Дәрісте жастар  мәселелері кең ауқымда талқыланды: атап айтқанда, қазіргі қоғамдағы жастардың рөлі, мемлекеттің жастар саясаты, "Болашақ", "Дипломмен-ауылға!", "Серпін-2050", "Мәңгілік ел жастары – индустрияға", "Жасыл Ел" мемлекеттік бағдарламалары және аталмыш бағдарламалардың жастарға тигізіп жатқан оң ықпалы туралы айтылды.

       Сонымен қатар, оқытушы С.Сейфуллин атындағы Қазақ агротехникалық университетінде «Мемлекеттік жастар саясаты туралы" Заңның жүзеге асырылуы барысында орындалып жатқан іс-шаралар студенттердің қоғамдық белсенділігі үшін маңызды екеніне тоқталды.

      Студенттер пікірлесу барысында қоғамдағы жастардың рөлі және олардың әлеуметтік  ортаны дамытуға ат салысуы мемлекетке ғана емес, жастардың өздерінің белсенді ұстанымдарына байланысты деген  пайымдау жасады.

       Қорыта келгенде, бұрынғы ұрпақтан өзгешелеу өзіндік бағыт-бағдары бар,  жетістікке жетудің жаңаша жолдарын игеру мен табысты экономикаға талпынған қазақстандық жастардың жаңа мәдени түрі қалыптасқаны жайлы тұжырым жасалды.  Студенттердің ойынша,  дәріс-пікірталас  танымды  және пайдалы болды.