Құрметті ұстаздар мен студенттер!  

Құрметті ұстаздар мен студенттер!   

Сіздерді келе жатқан Жаңа – 2018 жылмен шын жүректен құттықтаймын!

Адамзат баласы қашан да жаңа жылдан үлкен үміт күтіп, болашағына жоспар жасайды. Жаңа табыстар мен бақыт күтеді. Бұл мереке осындай өзгешеліктерімен ерекше. Кез келген адам баласы осы күнді асыға күтіп, ескі жылды құрметпен шығарып салады. Бұл күні барша адамзат өткенді ой елегінен өткізіп, Жаңа жылға таза ниет, нық сенім, биік мақсатпен қадам басқанды қалайды.

Уақыт талабына сай отандық ғылым мен білім кеңістігінен өз орнын тауып, әлемдік ғылымға ұмтылыс жасаған университетіміз үшін өткен жыл табыстарға толы жыл болды деп мақтанышпен айта аламыз!..

С.Сейфуллин атындағы Қазақ агротехникалық университеті 2017 жылы 60 жылдық мерейтойын абыроймен атап өтті. Университет базасында бірлескен «Қазақстан-Германия дәл егіншілік орталығы», ГАЖ-орталығы, түрлі деңгейдегі «Қазақстан-Қытай», «Қазақстан-Беларусь», «Қазақстан-Неміс» ғылыми зертханалары ашылды. Әлемдік деңгейдегі көптеген жоғары оқу орындарымен ынтымақтастық келісімдерге қол қойылды. Қазақстан Республикасы Білім және ғылым министрлігінің қолдауымен 800 орындық жатақхана салынып, қолдануға беріледі. Бұл университет тарихында соңғы 30 жылда болмаған аса мақтанарлық жағдай болды.

Сонымен бірге өтіп бара жатқан жыл еліміз үшін де айырықша табыстарға қол жеткізген жемісті жыл болды. Бүкіл ел болып әлем көз тіккен  ЭКСПО – 2017 көрмесін абыроймен өткіздік. Университетіміз ауқымды іс-шараның қасынан табылып, қолдан келгенше ат салысты. ҚазАТУ жаңа – 2018 жылы да мұндай бастамалармен әрдайым бірге болатынына сенемін.

Енді табалдырымыздан аттағалы отырған жаңа жыл жақсылығымен келсін! Әр отандасымыздың отбасына құт-береке тілеймін. Жаңа жыл тілектеріңіз бен армандарыңыз орындалатын табысты жыл болсын! Денсаулықтарыңыз мықты, бақыттарыңыз баянды, көңіл-күйлеріңіз көтеріңкі болсын! Алдағы жыл, Сіздерді тек оң өзгерістерімен, ұмытылмас сәттерімен қуантсын!

Ортақ шаңырағымыздың жарқын келешегі үшін еңбек етіп жүрген барша университет ұжымына шығармашылық табыс, қажымас қайрат, жақсылық тілеймін!

Ізгі ниетпен, 

 С.Сейфуллин атындағы                                                      

 ҚазАТУ  ректоры                                                                                 А.Күрішбаев