Ауғанстан Ислам Республикасының үкіметтік делегациясының ҚАТУ-ға сапары

Ауғанстан Ислам Республикасының үкіметтік делегациясының ҚАТУ-ға сапары

«С.Сейфуллин атындағы Қазақ агротехникалық университеті» АҚ –на (бұдан әрі - ҚАТУ) Ауғанстан Ислам Республикасының (бұдан әрі - АИР) делегациясы іс-сапармен келді. Делегацияның құрамында Халықаралық қатынастар департаментінің директоры Насери Нафиса, уәкілетті кеңесші Хайри М. Хумаюм, Баханд Мохаммад Латиф және Астанадағы АИР елшілігінің өкілдерінен құралды.

Сапардың мақсаты - ынтымақтастықты кеңейтудің перспективті бағыттарын талқылау, сондай-ақ, АИР студенттерінің оқып жатқан университеттің шарттары мен іс-әрекеттерімен танысу.

Қонақтарды Басқарма Төрағасы А.Күрішбаев қарсы алды. Кездесуге ҚАТУ тарапынан ғылыми және инновациялық қызмет жөніндегі проректор И.Тоқбергенов  және ХЫжКОДО директоры С.Мейрамова қатысты.

Өз кезегінде Ақылбек Қажығұлұлы қонақтарды ҚАТУ қызметімен таныстырды, сондай-ақ, АИР және Астанадағы Елшілікпен жүргізілген жұмыстар туралы айтып берді. Ректор ынтымақтастықты кеңейтудің ықтимал бағыттарын анықтады.

Сонымен қатар, 2011 жылдан бастап Ауғанстан Ислам Республикасы мен Қазақстан Республикасы арасындағы білім беру саласындағы үкіметаралық келісім шеңберінде 31 студент ҚАТУ-ды табысты аяқтады. 2017-2018 оқу жылы агрономиялық және техникалық факультеттерде  4 студент оқиды. Айта кетсек, АИР азаматтары магистратурада да оқып білім алған.

Делегация мүшелері өз кезегінде жылы құттықтауларын айтып алғыс білдірді, және университеттің миссиясының маңыздылығын атап өтті.

Кездесу соңында Тараптар өзара тиімді ынтымақтастықты жалғастыру туралы келісімге қол жеткізді, атап айтқанда, АИР азаматтарының бакалавриат және магистратура бағдарламалары бойынша ҚАТУ-да оқыту болмақ.