ҚАТУ Қытай Халық Республикасымен ынтымақтастық көкжиегін кеңейтуде

ҚАТУ Қытай Халық Республикасымен ынтымақтастық көкжиегін кеңейтуде

2018 жылғы 11-12 қаңтар аралығында «С.Сейфуллин атындағы Қазақ агротехникалық университеті» АҚ-на (бұдан әрі - ҚАТУ) Қытай Халық республикасының «Дебонт» атты компаниясының бас директоры Люй Хуа ханым бастаған сарапшылар делегациясы іс-сапармен келді. Делегацияның құрамында «Дебонт» компаниясының Қазақстандағы бас өкілі Джордж Жанг және жобалау бөлімінің менеджері Ванг Ксиоян болды.

Сапардың мақсаты «Ауылшаруашылық жабдықтар жиынтығын қолдану арқылы соя бұршағын өсіру бойынша жоғарыөндірісті технологияны бірлесіп игеру» атты жобаны жүзеге асыру бойынша ынтымақтастықты талқылау және орнату болып табылады.

Делегацияны Басқарма Төрағасы А.Қ.Күрішбаев қарсы алды. ҚАТУ тарапынан ғылыми-инновациялық қызмет жөніндегі проректор И.Т.Тоқбергенов, ХЫжКОДО директоры С.Ә.Мейрамова, Техникалық факультетінің деканы С.О.Нукешев, Агрономия факультетінің деканы Г.Ж.Стыбаев, ғалымдар мен университеттің профессор-оқытушылар құрамы қатысты.

Басқарма төрағасы Ақылбек Күрішбаев бас директор Люй Хуа ханымға және делегация мүшелерінің қызығушылық танытқандарына алғыс айтып, ҚАТУ қызметі туралы қысқаша ақпарат берді және бірлескен жобаларды жүзеге асырудың болашағын көрсетті.

Өз кезегінде Люй Хуа ханым осы кездесулерге шақырып және ұйымдастырғаны үшін алғысын білдірді, содан соң ол өзінің компаниясы туралы қысқаша, бірақ қызықты ақпарат ұсынды.

Кездесу барысында Тараптар ұйымдардың стратегиялық ынтымақтастығы туралы келісімді бекітті. Осылайша, Басқарма Төрағасы ынтымақтастықтың екі негізгі бағытын атап өтті: біріншіден, молекулалық деңгейде түрлі соя сорттарын таңдау және биотехнологиялық әдіспен Қазақстан үшін ең қысқа өскелең маусыммен соя сорттарын анықтау; екіншіден, профессорлық-оқытушылық құрам мен ғалымдардың біліктілігін арттыру үшін және білімді тарату курстар жүргізу.

Нәтижесінде екі Тарап Солтүстік және Орталық Қазақстанда жоғары өнімді соя өсіру технологиясын бірлесіп әзірлеп, сондай-ақ соя өсіру және өңдеу технологиялық процестерін механикаландыру бойынша бірлесіп жұмыс істеуді шешті. Сондай-ақ, Солтүстік және Орталық Қазақстанның табиғи жағдайларына сәйкес келетін соя сорттарын отырғызу үшін жер беру туралы сұрақтар қойылды.

Сондай-ақ, Қазақстан-Қытай бірлескен сояның жаңа түрлерін шығаратын молекулярлық-генетикалық зертханасын құру, Қазақстандық сервис нарығының орталығың, бірлескен кәсіпорын құру және Қазақстан-Қытай ауылшаруашылық ғылыми-технологиялық демонстрациялық саябағын құру туралы келісімге қол жеткізді.

Екі күндік жемісті келіссөздер нәтижесінде 2018 жылдың 12 қаңтарында тараптар «Дебонт» компаниясы мен ҚАТУ арасындағы стратегиялық ынтымақтастық туралы шартқа салтанатты түрде қол қойды.

Кездесу соңында Тараптар естелік сыйлықтармен алмасты және өзара тиімді ынтымақтастықты одан әрі кеңейту туралы келісімге келді.