ЖШС «Бурабай даму» ҚазАТУ-да презентация жасады

ЖШС «Бурабай даму» ҚазАТУ-да презентация жасады

2018 жылдың 6 ақпаны күні С.Сейфуллин атындағы Қазақ агротехникалық университетінде «Бурабай даму» жауапкершілігі шектеулі серіктестігінің өкілдері студенттермен кездесу өткізді.

Мақсаты: Қазақстанның туризмін дамыту,  Бурабай курорттық аймағының туристік имиджін тартымды етіп қалыптастыру. Қолайлы демалыс орындарымен таныстыру.

ҚР Президентінің Іс Басқармасы, ЖШС «Бурабай Даму» орталығының маркетинг және туризм бөлімінің жетекшісі А.Б.Ербатыров слайд-презентация мен Бурабай курорты жайлы бейнеролик көрсетті. Өз сөзінде Бурабай курорттық аймақтағы туризмді дамыту мақсатында демалыс қызметтердің түрлерін кеңейтіп және сапасын арттыру бойынша көптеген жұмыстар жасалынып жатқанын айтты. Олар: «Визит-орталық» атты туристік ойын-сауық кешені, «Абылай хан» атындағы алаң, «Лапландия» ертегі қалашығы, «Этноауыл», «Оқжетпес», емдік балшықтары. Сондай-ақ, ағымдағы жылдың 1 наурызына дейін студенттерге әлеуметтік акциялар бар екенін жеткізді. Студенттер өз қызығушылығын білдіріп, сауалдарын қойды.