Ветеринария және мал шаруашылығы технологиясы факультетінде "Түлек -  2018" жәрмеңкесі өтті

Ветеринария және мал шаруашылығы технологиясы факультетінде "Түлек -  2018" жәрмеңкесі өтті

С.Сейфуллин атындағы Қазақ агротехникалық университетінде 2018 жылдың 9 ақпанында Ветеринария және мал шаруашылығы технологиясы факультетінде алғашқы "Түлек - 2018" жәрмеңкесі өтті. Ағымдағы жылы аталмыш факультетте 6 мамандық бойынша 346 студент оқу бітіреді. Олардың ішінде: «Ветеринарлық медицина» - 89 түлек, «Ветеринарлық санитария» – 69 түлек, «Балық шаруашылығы және кәсіптік балық аулау» – 26 түлек, «Аңшылықтану және аң шаруашылығы» – 25 түлек, «Мал шаруашылығы өнімдерін өндіру және өндеу технологиясы» – 65 түлек, «Биотехнология» - 72 түлек оқуды тәмамдамақ.

         Іс-шараға 40-тан аса қалалық, облыстық және республикалық деңгейдегі мекемелердің өкілдері қатысты. Қазақстан Республикасы Ауыл шаруашылығы министрлігі «Агроөнеркәсіптік кешенінің мемлекеттік инспекциясының республикалық ветеринариялық зертханасы» Мемлекеттік кәсіпорын, ММ «Ветсервис плюс», «STO Lab» ЖШС, «Дәмқосарлардың көкөніс зауыты» ЖШС, «Агротехника» ЖШС, ММ «Қазақстан Республикасы Ауыл шаруашылығы министрлігінің Агроөнеркәсіптік кешеніндегі Мемлекеттік инспекция комитетінің Аршалы аудандық аумақтық инспекциясы», МКМ «Аршалывет», МКМ «Қызылжар ауданындағы ветеринарлық станция», «Каз Гер құс» ЖШС, «Астық STEM» ЖШС, «Колутон» ЖШС, «Атамекен агро» АҚ, «Алтын Дән» ЖШС, «Тайынша Астық» ЖШС және т.б. мекеме өкілдері жұмыс және болашақ мамандарға қойылатын талаптар жайлы ақпарат ұсынды.

         Жәрмеңкенің ашылу салтанатында факультет деканы, профессор Б.С.Майқанов сөз алып, шараға қатысушыларды түлектер құрамымен таныстырып, студенттерді тәжірибеден өту және жұмысқа орналастыруда серіктес болуға шақырды.

         Жәрмеңке барысында түлектер жұмыс берушілермен жеке-жеке сөйлесуге, олардың талаптары және еңбек жағдайларын білуге мүмкіндік алды. Жұмыс берушілермен 3-4 курс студенттеріне өндірістік тәжірибені өту мәселесі де талқыланды. Нәтижесінде жұмыс берушілермен 195 үшжақты келісім-шарт жасалды.

Факультет мамандықтарының жұмыс бағдарламасын қарау үшін дөңгелек үстел өткізіліп, жұмыс берушілер  ұсыныстарын білдірді.