ҚазАТУ студенттері Елбасының жолдауын талқылады

ҚазАТУ студенттері Елбасының жолдауын талқылады

2018 жылы 9 ақпан күні С.Сейфуллин атындағы Қазақ агротехникалық университетінің КЖжКББ факультеті «Ақпараттық жүйелер» кафедрасы  «Төртінші өнеркәсіптік революция жағдайындағы дамудың жаңа мүмкіндіктері» ҚР Президентінің Жолдауын насихаттау мақсатында бірінші курс студенттері арасында дебат ұйымдастырды.

Шараға Астана қаласы «Нұр Отан» партиясының Сарыарқа аудандық филиалы төрағасының бірінші орынбасары Бағлан Әлімғазина, Саяси кеңес Бюросының мүшесі,  Украин мектебінің директоры Ольга Тодераш, тәрбие жұмысының бас маманы Гүлден Байдалина,  «Компьютерлік жүйелер және кәсіптік білім беру» факультеті деканының тәрбие ісі жөніндегі орынбасары Гүлмира Әбілдина  және «Ақпараттық жүйелер» мамандығының оқытушылары мен студенттері қатысты.

Дебат барысында студенттер ҚР Президенті Н.Ә.Назарбаевтың биылғы Жолдауын талқылап, «Ақылды технологиялар» – агроөнеркәсіп кешенді қарқынды дамытумен бірге, IT технологияны тиімді пайдалану барысына ерекше көңіл бөлді.

Б.А. Әлімғазина барлық студенттердің ішінен «Ақылды қалалар» міндеті аясында біздің елімізде болып жатқан өзгерістер туралы өз көзқарастарын қорғаған Қуанышев Батырхан мен Курнекеева Аружанды атап өтті.

Өз кезегінде О.Е.Тодераш қаржы мәселесі саласында өз ойын логикалық және жүйелі түрде жеткізгені Соколовский Сергейді атап өтті.

         Шара нәтижесінің қорытындысы бойынша қатысушыларға мақтау қағаздары табысталды.