«Не? Қайда? Қашан?» интеллектуалдық сайысы өтті

«Не? Қайда? Қашан?» интеллектуалдық сайысы өтті

2018 жылы 9 ақпан  күні С.Сейфуллин атындағы Қазақ агротехникалық университетінің «Көшбасшы» танымдық  клубының ұйымдастыруымен «Ұлы дала тарихы» тақырыбында  «Не? Қайда? Қашан?» ойыны  өтті. Сайысқа 4 факультет және «Көмекеріктілер» ұйымы қатысты.

Ойын 3 кезеңге бөлінді. Шара  барысында топтың жүйріктігі мен білгірлігі, топ басшыларының жылдамдығы мен зеректігі анықталды. Әр кезең бойынша әділқазы алқалары 10-50 аралығында ұпаймен бағалады. Әділқазы құрамында  агрономия факультетінің  аға оқытушысы Р.С.Айдарқұлова және «Аманат» пікір сайыс клубының координаторы Е.Төлеуғазинова болды.

Сайыс қорытындысы бойынша І орынды жерге орналастыру факультеті иеленсе, ІІ орынға техникалық факультет лайық деп танылды. ІІІ орынды агрономия факультеті алды.

«Үздік көрермен» номинациясымен жерге орналастыру факультетінің студенті Ержан Амангельдинов және агрономиялық факультетінің студенті Санжар Низамиев марапатталды.

Ойынға қатысқан барлық студенттер лайықты өнер көрсетіп, болашақ агрономдар мен инженерлерге қарсылас бола алды.

Студенттерді жеңіспен құттықтап, сәттілік тілейміз!