Білімді жастар – ел болашағы

Білімді жастар – ел болашағы

2018 жылдың 12 ақпан күні С.Сейфуллин атындағы Қазақ агротехникалық университеті энергетикалық факультетінің оқу озаттарын, топ белсенділерін және спортшыларын алғыс хаттармен марапаттау рәсімі өтті. Іс-шараға энергетикалық факультетінің деканы С.С. Исенов, декан орынбасары Д.К. Жаксыбаева, сондай-ақ басқа да топ кураторлары мен студенттер қатысты.

Факультет деканы оқуда, ғылымда, спортта, қоғамдық шараларда белсенділік танытып, университет намысын ту еткен энергетикалық факультетінің үздік студенттеріне Алғыс хаттар табыстады. Студент үшін декан алғысы – үлкен жетістік! Шара соңында студенттік кеңестің ұйымдастыруымен дайындалған концерттік бағдарлама ұсынылды. Өз өнері мен қабілеттерін таныту үшін барша студенттер айтулы күнді асыға күтті.

 Шараны энергетикалық факультетінің 14-01, 15-01, 16-01 топ кураторлары Р.А. Умирзаков, Г.А. Манапова, А.Н. Сапаргалиева ұйымдастырды.