Елбасы жолдауы туралы ашық дәрістер оқылды

Елбасы жолдауы туралы ашық дәрістер оқылды

2018 жылы 10 қаңтардағы Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына арнаған Жолдауын түсіндіру бағытында 29 қаңтар мен 2 ақпан аралығында Гуманитарлық факультеттің (Қазақстан тарихы және философия кафедрасы) оқытушы-профессорлар құрамы университет студенттеріне ашық дәріс сабақтарын өткізді. Президенттің Қазақстан халқына арнаған жыл сайынғы жолдаулары біздің еліміздің азаматтары үшін маңызды оқиға болып табылады. Әркім өзі үшін маңызды бағыттарды айқындайды. Сабақтар барысында 100 нақты қадам – Ұлт жоспарының жүзеге асырылу барысы, «Қазақстан-2050» даму стратегиясы, Қазақстанның Үшінші жаңғыруы бастау алғаны, Индустрияландыру бағдарламасының табысты іске асу үдерісі, «Цифрлық Қазақстан» және тағы да басқа мәселелерге талдау жасалды.

Соның ішінде студенттерге аграрлық ғылымға байланысты мәселелер қызығушылық тудырды. Білімнің жаңа сапасы адами капиталдың негізі ретінде қоғамды рухани жаңғыру мен жаңа технологиялар серпінін қамтамасыз етуге мүмкіндік береді.