ҚазАТУ студенттері Хакатон байқауының арнайы жүлдесіне ие болды

ҚазАТУ студенттері Хакатон байқауының арнайы жүлдесіне ие болды

2018 жылдың 24 - 25 ақпанында Астана қаласының әкімі Әсет Өрентайұлының  бастамасымен жүзеге асқан Astana Innovations Challenge -2018 стартап-марафонының аясында, «Астана Innovations» АҚ және Бизнес-инкубатор MOST ұйымдастырған Бірінші Open Data Hackathon өтті.

Байқау барысында 35 команда сынға түсті. С.Сейфуллин атындағы Қазақ агротехникалық университеті  «Ақпараттық жүйелер» мамандығының 2 курс студенттері Нұрбол Серікбаев, Нұрхожа Кунхожаев, Ербол Райс Хакатонның HERE Technologies жэәне Astana LRT атты серіктес компаниялардың 500 000 теңге көлемінде арнайы жүлдесіне ие болды.

Аталған серіктес компаниялардың ұсынылған мәселері бойынша ҚазАТУ студенттері толықтырылған шындық технологиясын пайдалана отырып, қоғамдық көліктегі жолаушылар легін, автобустар қозғалысын, жүру кестелерін қадағалау AR Bus (Augmented Reality-толықтырылған шынайылық) атты жобасын ұсынды.

Байқаудың қорытындысы бойынша HERE Technologies және Astana LRT атынан студенттер жобаны іске асыру бойынша келісім-шарт жасасу туралы ұсыныс алды.

Оқу ордамыздың студенттерін құттықтаймыз!