Құрметті университетіміздің қыз-келіншектері, ару қарындастар!

Құрметті университетіміздің қыз-келіншектері, ару қарындастар!

Сіздерді шуақты көктемнің алғашқы мейрамы – 8 наурыз Халықаралық әйелдер күнімен шын жүректен құттықтаймын!

Осы бір тамаша көктем мерекесі әйелге тән әдемілік пен нәзіктіктің мәңгі белгісі сынды. Бұл күн – отбасы берекесінің ұйытқысы болып отырған біздің аналарымыз, жарымыз, әпкелеріміз бен қыздарымызға жарқын көңіл мен жақсылық тілейтін күн. Қазақ: «Әйел бір қолымен бесікті тербетсе, екінші қолымен әлемді тербетеді» дейді. Біздің қазіргі қоғамымызда әйел тек отбасының береке - бірлігін ойлайтын тұлға ғана емес, ол мемлекеттің тыныс-тіршілігіне және саяси мәселелерге белсене араласатын қоғам мүшесі. Сондықтан біздің елімізде әйел адамның әлеуметтік қорғалуына, олардың өмір сүру деңгейін арттыруға айрықша маңыз беріледі.

Көктемнің жайдарлы күнінде жүрекжарды лебізімді арнай отырып, ұлтты тәрбиелеу жолындағы еңбектеріңіз үшін алғыс білдіремін.

Оқу ордамыздың жақсы аты, білім мен ғылым деңгейі, студенттердің жетістігі, түлектеріміздің алғысының барлығында сіздердің қажырлы еңбектеріңіздің орасан үлесі бар екенін баса айтқым келеді.

Сіздерге   мәңгілік жастық алауын, адал махаббат жылуын, шынайы сүйіспеншілік шуағын тілеймін. Жылулық нұрын ала келген осы бір мерекеде барлықтарыңыздың шаңырақтарыңызда ырыс ортаймай, жүздеріңіз шынайы күлкіге толы болсын!

Университетіміздің қыз-келіншектері мен әсем арулары, мерекелеріңіз құтты болсын!

 

 

Ізгі тілекпен,                                                                              

С.Сейфуллин атындағы ҚазАТУ ректоры     А.Күрішбаев