Итальяндық сәулетші Джулио Чеппи биоархитектура бойынша қонақ дәрісін оқыды  

Итальяндық сәулетші Джулио Чеппи биоархитектура бойынша қонақ дәрісін оқыды   

2018 жылдың 6 наурызында «С.Сейфуллин атындағы Қазақ агротехникалық университетіне» әлемдегі итальяндық дизайн күндерінің аясында Милан политехникалық университетінің сәулетшісі, сәулетші Джулио Чеппи келді.

Сапардың мақсаты – ҚазАТУ-дың оқытушылар құрамы мен білім алушыларына биоархитектура, дизайн және «slow food» тақырыптары бойынша қонақ дәрісін оқу.
           Дәріске Италияның Қазақстандағы Төтенше және Өкілетті Елшісі Стефано Раванян, Ғылыми және Инновациялық Қызмет жөніндегі проректор И.Т.Тоқбергенов, ХЫжКОДО директоры С.Ә.Мейрамова, Қалалық урбанистика және Италия елшілігінің қонақтары, оқытушылар және студенттер қауымы қатысты.

Проректор И.Т.Тоқбергенов қонақтарға ҚазАТУ қызығушылықтары үшін алғысын айтып, университет қызметі туралы қысқаша ақпарат ұсынды.
             Өз кезегінде, Джулио Чеппи мырза осы кездесуді жылы қабыл алғандары және ұйымдастырғандары үшін ризашылығын білдіріп, адам мен табиғаттың үйлесімділігі негізінде құрылатын инновациялық био-архитектуралық жобалау әдістеріне арналған дәрісін оқыды. Дәріс аясында Джулио Чеппи мырза Астана қаласы үшін тиімді болатын архитектуралық авторлық жобаларын ұсынды.

Дәріс тыңдалымының нәтижесінде студенттерге жаңа кәсіби білім алуға және қоршаған орта дизайны саласындағы шетелдік ғалымдармен қарым-қатынас жасау тәжірибесіне ие болды.
            Кездесу соңында ХЫжКОДО директоры С.Ә.Мейрамова қонаққа кәдесый беріп, естелікке суретке түсті.