«Туған өлке – тұнған шежіре» эссе сайысы

«Туған өлке – тұнған шежіре» эссе сайысы

2018 жылдың 28 ақпан мен 2 наурыз аралығында Гуманитарлық факультеттің Қазақстан тарихы кафедрасының аға оқытушылары К.В.Джумагалиева мен Б.Б.Енсеповтың ұйымдастыруымен Н.Ә.Назарбаевтың «Рухани жаңғыру: Болашаққа бағдар» мақаласы аясында университеттің 1 курс студенттерінің арасында «Туған өлке - тұнған шежіре» тақырыбы бойынша эссе сайысы өткізілді.

Сайыстың мақсаты өлке тарихына көңіл бөлу арқылы мақаланың негізгі ережелерін ой елегінен өткізу және бағалау идеясы болып табылады.            Эссе жазу барысында студенттер туған өлкенің тарихы, киелі орындары, тұлғалары және ауыл халқының күнделікті өмірі мен табиғаты туралы қызықты мәліметтерді көркем тілде жеткізе білді. Сайыстың үздік шығармалары іріктеліп, аймақтық газеттерге ұсынылды. Сайыс қорытындысы бойынша Адина Алибек, Алина Рамазанқызы, Алияра Амиралидің жұмыстары жоғары бағаланды.