ҚазАТУ студенттері ауыл шаруашылығын цифрландыру, алқаптардың электрондық картасын жасауға аттанды

ҚазАТУ студенттері ауыл шаруашылығын цифрландыру, алқаптардың электрондық картасын жасауға аттанды

Елбасы Н.Назарбаевтың тапсырысы бойынша ауыл шаруашылығы жерлерін тиімді пайдалану үшін Қазақстан алқаптарының электрондық картасын құруға негізделген агроөнеркәсіптік кешенде цифрландыру шаралары жүргізілуде.

С.Сейфуллин атындағы ҚазАТУ ауылшаруашылық саласында мамандарды даярлайтын жетекші оқу орындарының бірі болғандықтан білім ордасынан барлығы 71 болашақ маман ауыл шаруашылығын сандық жүйеге енгізу мақсатында Ақмола облысының әр ауылдарына жөнелте бастады.  

Жұмыстарды орындау үшін аталмыш шараға жерге орналастыру, сәулет және дизайн, аграномия факультетінің,  2, 3 және 4 курс студенттері тартылуда. Студенттер кәсіби шеберліктерін факультеттегі «Геомониторинг және қашықтықтан зондтау», «Жерге орналастыру және кадастр» мамандандырылған ғылыми зертханаларында, сондай – ақ ГАЖ орталығында дамытып отырады.

Студенттер 2 ай көлемінде Ақмола облысы алқаптарын цифрлау жұмыстарымен айналысады. «Алқаптардың электрондық карталарын жасау» ғылыми-зерттеу жобасының аясында дерекқорға байланысты электронды карталар әзірленеді. Ауылшаруашылық жерлерінің картасы ауыл шаруашылық дақылдарын егу үшін үнемді және қаражатты ұтымдыпайдалану,  жедел әкімшілік шешім қабылдауға мүмкіндік береді.