ҚазАТУ студенттері VII қысқы Универсиададан жүлделі оралды

ҚазАТУ студенттері VII қысқы Универсиададан жүлделі оралды

2018 жылдың 1 – 12 наурыз аралығында Павлодар қаласында Қазақстан Республикасы Білім және ғылым министрлігі Ұлттық ғылыми-практикалық дене тәрбиесі орталығының ұйымдастыруымен жоғары оқу орындары студенттері арасында VII қысқы Универсиада болып өтті.

Биылғы Универсиада спорттың шаңғы жарысы, қысқы Президенттік көпсайыс, қысқы спорттық бағдарлау, футзал, армрестлинг, гір тасын көтеру, пауэрлифтинг, баскетбол және қазақ күресі түрлерінен ұйымдастырылды.

Екі жылда бір рет өткізілетін іс-шараға университетіміздің шаңғы спорты, баскетбол және қазақ күресі бойынша құрама командалары да қатысқан болатын. Қазақ күресі бойынша өткен жарыс нәтижесінде ерлер арасында техникалық факультетттің 3 курс студенті Андос Анафияев 82 кг салмақ дәрежесінде Универсиаданың күміс жүлдегері атанса, қыздар арасында агрономия факультетінің 1 курс студенті Жанерке Медетхан 52 кг салмақ дәрежесінде қола медальді жеңіп алды.

         Спортшыларымызды жеңістерімен құттықтап, алдағы уақытта сәттілік тілейміз!