«Қызық екен...»  интеллектуалдық ойыны өтті

«Қызық екен...»  интеллектуалдық ойыны өтті

С.Сейфуллин атындағы Қазақ агротехникалық университетінің «Көшбасшы» танымдық  клубының ұйымдастыруымен университетіміздің студенттері арасында «Қызық екен...» ойыны өтті.

Қатысушылар  5 кезең бойынша бақ сынасты. Әр кезеңді Әділқазылар алқасы бағалады. Қазылар құрамында клуб төрағасы А.Сейдазым, клуб мүшелері: Н.Медиев, Ж.Тұрдыбек болды.  Ойын барысында студенттердің алғырлығы, жылдамдығы анықталды.

 Ойын нәтижесі бойынша І орынды Есхат Жеңіс (Жер ресурстарын басқару, сәулет және дизайн факультетінің 1 курс студенті) еншіледі. ІІ орын Ержан Байбактинға (Жер ресурстарын басқару, сәулет және дизайн факультетінің 3 курс студенті) бұйырса, ІІІ орынға  Аида Тілдабек (Агрономиялық факультетінің 1 курс студенті) лайық деп танылды.

Жеңімпаздар диплом және бағалы сыйлықтармен марапатталды.