Францияның Қазақстандағы елшісінің ҚазАТУ-ға сапары

Францияның Қазақстандағы елшісінің ҚазАТУ-ға сапары

2018 жылдың 10 мамырында С.Сейфуллин атындағы Қазақ агротехникалық университетіне жұмыс сапарымен Франция Республикасының Қазақстандағы Өкілетті және Төтенше Елшісі  Филипп  Мартинэ мырза және Қазақстан Республикасындағы Франция Елшілігінің ғылыми-техникалық ынтымақтастық жөніндегі атташе  Александра Тиркюир Мэнс ханым келді.

         Кездесу ҚазАТУ Басқарма Төрағасы А.Қ.Күрішбаев және ХЫжКОДО директоры С.Ә.Мейрамованың қатысуымен өтті.    Басқарма Төрағасы оқу ордамыздың стратегиясымен, миссиясымен, факультеттерімен, университетіміздің келешегімен және халықаралық ынтымақтастығы туралы айтып өтті. Үстіміздегі жылдан бастап С.Сейфуллин атындағы Қазақ агротехникалық университеті Қазақстан Республикасында АӨК цифрландырудың ғылыми-әдістемелік орталығы ретінде қызмет атқаруда. Осыған орай, дәлме-дәл егіншілік, жасанды интеллект, ақылды ферма жүйелері және т.б. ҚазАТУ-дың басым бағыттары болып табылады.

Франция елшілігінің өкілдері ҚазАТУ білім алушыларына «Абай-Верн» француздық-қазақстандық студенттік академиялық ұтқырлық бағдарламасымен таныстырды. Аталмыш бағдарлама аясында Қазақстандық жоғары оқу орындары білім алушыларына жыл сайын Франция елінде француз және ағылшын тілдерінде білім алуға 100 грант, оның ішінде  2 курс магистранттарына 90 грант және 10 грант докторанттарға бөлінетіндігін хабарлады.

Сонымен қатар энергетикалық факультеттің 2 курс магистранты, Шенгереева Дилара ҚазАТУ студенттерінің тілегін француз тілінде  жеткізді.

         Өз кезегінде, Францияның Қазақстандағы Төтенше және Өкілетті Елшісі Филипп  Мартинэ мырза алғысын білдіріп, ҚазАТУ мен Франция арасындағы қарым-қатынас  ынтымақтастық және сындарлы диалог бағытында дамитындығын атап өтті.